දරුපල පතනා මවුපියවරුනේ!

151
දරුපල
දරුපල

නිසැකවම දරුපල හිමිවීමට කළ යුතු ප්‍රතිකර්මයන් පිළිබඳව පසුගිය දිනෙක ‘නැකත’ අතිරේකයේ පල විය. ඒ පිළිබඳව විමසුම් බොහෝය. ඇමතුම් රැසකි. දරුවන් නොමැති යුවළකගේ ශාරීරික දුබලතාවන් දුරු කරවන දරුපල හිමිකරුවන පහසු කෙම් පිළිවෙත් රැසක්‌ අතීතයේ පැවැතුණි. අතුරු ආබාධවලින් තොරව පහසුවෙන් කරගත හැකි මෙම ප්‍රතිකර්මයන් අතීතයෙන් වර්තමාන පරපුර වෙත තිළිණ කිරීම අපේ අරමුණය. එවැනි දෑ රහසිගතය. ප්‍රබලය. සරලය. එහෙයින් භාවිතය පහසුය.

දරුපල නොමැති විවාහක යුවළකගේ ගැටලු අවබෝධයට නියමයන් රැසකි. එය ජ්‍යෙdතිෂයෙන්ද ආගම ධර්මයෙන්ද පැරණියන්ගේ දේශීය ආයුර්වේදීය ප්‍රතිකාරයන්ගෙන්ද පෝෂිතය. මේ සියල්ල ඇතුළත්ව ගොඩනැගුණු පාරම්පරික කෙම් පිළිවෙත් නිවැරැදිව හඳුනා ගැනීම තම අභිමතාර්ථ සාධනයට වඩාත් ඉවහල් වෙයි.

කාන්තාවන්ගේ යොවුන් විය මල්වරයෙන් ඇරඹෙයි. මල් වැරීමෙන් අවසන් වෙයි. මේ අන්තයන් දෙක අතරමැද සමය දරුපල හිමි, අහිමි බව ප්‍රකට කරවයි.

දරුපල

යොවුන් වියට පිළිපන් තරුණයකුට තම කායික ශක්‌තිය මත වියපත් වීම දක්‌වා දරුපල සරු කිරීමට හැකියාව ඇත. ජන්ම කේන්ද්‍රයක බල දුබලකම් අනුව උත්පාදක ශක්‌තිය නියෝජනය කරනු ලබන්නේ කුජ ග්‍රහයාය. ශුක්‍ර ධාතුවේ ජීවානු බලවත් වීමට ජන්මියකුගේ කේන්ද්‍ර සටහනේ කුජ ග්‍රහයාගේ බලවත්වීම වැදගත් වෙයි. සෙනසුරු වැනි මහලු ග්‍රහයකුගේ දෘෂ්ටිය, නැකත යොමුවීම කුජ ග්‍රහයාගේ උත්පාදක ශක්‌තිය දුර්වල කරවයි. එය පුද්ගලයකුගේ දරු පල අහිමි වීමක්‌ හෝ වඳ බව ප්‍රකට කරවන්නකි. සමාජයේ දරුවන් නොලබන කාන්තාව අවමානයට පත්වෙයි. පීඩාවට පත්වන්නේ කාන්තාව වුවද වඳ පුරුෂයන් ද සිටින බව අප අවබෝධ කර ගත යුතු වෙයි. එය ජ්‍යෙdතිෂමය සිද්ධාන්තයන් අනුවද වටහාගත හැකිය.

වෘක්‍ෂ පොරොන්දම

පොරොන්දම් පරීක්‍ෂාවේදී වෘක්‍ෂ පොරොන්දම සැසඳීමේදී යුවළකගේ දරුපල සහ ශාරීරික ශක්‌තිය නිගමනය කරනු ලබයි.

මෙලොව සැප සම්පත් විඳීමට පෙර භවයේ කරන ලද කුසල, අකුසල කර්මයන් ද පාදක වෙයි. පෙර භවයේදී පැටවුන් විනාශ කළ, බිජුවට බිඳ අනුභව කළ, ගබ්සා කිරීම් සිදු කළ, කුඩා දරුවන්ට ශාරීරික, මානසික පීඩා කළ උදවිය හට මේ භවයේදී දරු පල අහිමිවීමට හේතු කාරක වෙයි. තම ග්‍රහ බල හඳුනාගෙන දුර්වල ග්‍රහ බලයන් යහපත් කිරීමට කුසල් වැඩීම කළ යුතු පිළිවෙත් වෙයි.

රෝගී දරුවන්ට පිළිසරණ වීමත් , ළමා නිවාසවලට උපකාර කිරීම, සිරගත කළ සතුන්, පැටවුන් නිදහස්‌ කිරීම, ගැබිනි මාතාවන්ට කිරි ආහාර දන්දීම කළ යුතු පොදු පුණ්‍යකර්මයන් ලෙස සැලකිය හැකිය. මේ සියල්ල අතරින් ගැබිනි මාතාවන්හට කිරි ආහාර දන්දීම සහ උවටැන් කිරීම එම පුණ්‍යකර්මයන් අතර මූලික වෙයි. එය මහත් ඵල ආනිශංසය ඇති කුසලයක්‌ වන්නේ උපන් – නූපන් දෙදෙනකුටම කරනු ලබන උත්තම පුජාවක්‌ වන හෙයිනි.

ආයුර්වේදය අනුව තුන්දොස්‌ කිපීමෙන් ශාරීරික පීඩාවන් බහුල වෙයි. පින් කිරීමෙන් ලෝකාස්‌වාද රතිය අප්‍රිය වෙයි. නෂ්ඨකාමයට පුරුෂයා ගොදුරු වෙයි. අවුල් වූ මනසත්, ගිනියම් ආහාර පානත් ශුක්‍ර හානිය සලසයි. වමන, විරේක, නස්‍යදියෙන් කුපිත තුන්දොස්‌ තුරන් කිරීමෙන්ද, රසායන ඔසු, කෙම් ප්‍රතිකර්ම ආදියෙන් ශාරීරික ශක්‌තිය පුබුදුවයි. යුවළකගේ මානසික අසහනය බැහැර කිරීමද පිළියම් පිළිවෙත්හි නිසිපල ලැබීමට හේතු වෙයි.

දරුපල

දරුපල අහිමි යුවළකගේ ශාරීරික දුබලතාවන් විවිධ විය හැකිය. ග්‍රහ බලය ද එලෙසය. අවැසි කුසල් වැඩීම දොස්‌ දුරලයි. බෝධි පූජා, බාරහාර, ප්‍රාර්ථනා සපලත්වයට මග සලසයි.

ආශිර්වාදාත්මක පූජා

දරුපල අහිමි යුවළ විසින් සැදැහැ සිතින් කරනු ලබන බෝධි පූජා කටයුතුවලට එම බෝධි වෘක්‍ෂ අවට බලවත් වන ශුද්ධ තරංගයෝ සැදැහැවත් වෙති. එවන් වූ යුවළක වෙත අනුකම්පා සහගත වෙති. ආශිර්වාදාත්මක වෙති. යහපත් වූ ආත්ම තරංගයෝ යහපත් වූ මවු කුසයක පිළිසිඳ ගැනීමට ද බෝධි පූජාව උපකාරකයක්‌ වෙති.

අතීත ලක්‌වැසියන් මෝරු ගුණ දරුපල සපල වන්නට බලවත් ඖෂධයක්‌, කෙම් ප්‍රතිකර්මයක්‌ ලෙස යොදා ගත්හ. දහසක්‌ රෝග ව්‍යාධීන් දුරු කරන බලයක්‌ මෝරු තුළ අන්තර්ගතය. එලකිරි මෝරු සහ එළුකිරි මෝරු මේ අතර ප්‍රධාන වෙයි. ඉතා සුදුසු වෙයි. මුදවන ලද කිරි මෙන් සිවුගුණයක්‌ ජලය දමා සාදනු ලබන මෝරු “තක්‍ර” නමින් හැඳින්වෙයි.

තක්‍ර නමින් හැඳින්වෙන මෝරු සැහැල්ලු ය. අර්ශස්‌, ගුල්ම ග්‍රහණි රෝග නසයි. ශුක්‍ර ධාතු වර්ධනය කරවයි. ශරීරගත විෂ නසයි. උෂ්ණය නසයි. ශරීරය සිසිල් කරවයි. තුන්දොස්‌ සමනය කර ධාතු ස්‌ථම්භනය කරවන මෝරු වැළඳීම පානය ආරම්භ කළ යුත්තේ සඳුදා දිනෙක උදෑසන හයත් හතත් අතර කාලය තුළදීය. සඳුදා සිසිල් ය. ඉරිදා උෂ්ණකාරකය. සඳුගේa බලපෑම යටතේ කුකුලල, ජාවාල වැනි වැල් වර්ග වමට කරකැවී ගස්‌වල එතෙයි. එම අල වර්ග ශීත ගුණයෙන් යුක්‌තය. දකුණට බලපාන හිරුගේ ගුණය අනුව හිඟුරල, කොඬොල් වැනි වැල් වර්ග දකුණට කරකැවී ගස්‌වල එතෙයි. එම අල වර්ග උෂ්ණ ගුණයෙන් යුක්‌තය. අතීත ලක්‌වැසියා ගහකොළ, සොබාදහම හඳුනා ගත්තේ හිරු සඳුගේ ගූණයන් මූලික කර ගනිමින්ය.

දරුපල පතන යුවළක් ගත යුතු දෑ

දරුපල පතන යුවළක විසින් පීරිසි කෝප්ප හතරක ප්‍රමාණයක්‌ එළකිරි හෝ එළුකිරි මෝරු භාවිතය සඳුදා දිනෙක ඇරඹිය යුතු වෙයි. එය දිනක්‌ හැර දිනක්‌ දින විසි අටක්‌ පානය කිරීමෙන් ශාරීරික දුබලතා පහව යයි. මෙම ඖෂධීය පානය කෙම් ප්‍රතිකර්මයක්‌ ලෙස බලවත් වන්නේ වදන් භාවිතයෙන් තොරව හිස්‌බඩ පානය කිරීමෙනි.

මෙම පානය අතරතුර පුරුෂයන්ගේ දොස්‌ නසා ශරීර ශක්‌තිය වර්ධනයට වැළඳිය යුතු ඖෂධයක්‌ද ජය නිත්‍ය පරපුර සතුව ඇත.

සරකිඳ පිටි – උඳු පිටි සමව ගෙන ගිතෙල් – උක්‌ සකුරු සමග අනා නෙල්ලි ගෙඩියක ප්‍රමාණයක්‌ බාර්ලි වතුර සමග වැළඳීමෙන් අවැසි ශක්‌තිය නිසැකව හිමිවෙයි. එය දින තුනකට වරක්‌ දින හතක්‌ වැළඳීම ප්‍රමාණවත්ය. මෙවැනි කෙම් ප්‍රතිකර්මයන් ඉදිරියටත් ඔබ වෙත ඉදිරිපත් කිරීම අපේ මූලික අරමුණයි.

එයට පෙර ඔබේ ප්‍රාර්ථනා ඉටු වීම මෙහි ඇතුළත් දෑ තුළින් ඔබට හිමිවනු ඇත. ඔබේ ප්‍රාර්ථනා ඉටු වීම අපල දුරුවී ඔබේ සුබම නැකත වන බව අපට විශ්වාසය.

We found this article from Divaina on 2014/02/02.