මල්හීසර වැදෙන්නේ කවදාදෝ… කොතැනදිදෝ

827
මල්හීසර
මල්හීසර

ඔබේ පෙම්වතිය ඔබට කවදා, කෙසේ කිනම් ස්‌ථානයකදී මුණගැසේද යන්න මේ ලිපිය තුළින් කරුණු ඇතුව පෙන්නුම් කර දීමට මා අදහස්‌ කරමි. තරුණ තරුණියන්ට එය දැනගැනීමත් ඉතාම වටී. එදිනෙදා ජීවිතයට මුහුණ දෙන ඔබට ඔබේ දෛවයේ බලය ගොඩනැගී ග්‍රහබල ශක්‌ති ක්‍රියාවට නැගී සහකරු හෝ සහකාරිය වන ප්‍රේමවන්තයාගේ, ප්‍රේමවන්තියගේ ආදරය තමාට මුණගැසෙන්නේ කෙසේද? පෙර කළ සංසාර පුරුදු අනුසාරයක්‌ මත බව පෙන්වයි. මෙම කටයුත්ත සාර්ථකව නිම කිරීමට අනඟ මල්හීසර වැදී මල්සරාගේ බලය කැන්දන විවාහයට අධිපති සිකුරු ග්‍රහයාව ග්‍රහ මණ්‌ඩලයේ සුවිශේෂ වූ තැනක්‌ හිමි පුද්ගලයෙක්‌ ලෙස ජ්‍යෙතීර් විද්‍යාවේ මූලධර්ම අනුව අපට පෙන්වයි. මොහුට තැනක්‌ හිමිවීම ජ්‍යෙතීර් විද්‍යාවට අනුව අපට පුදුමයක්‌ නොවේ.

මෙහිදී මේෂ, වෘෂභ, මිථුන, කටක, සිංහ, කන්‍යා, තුලා, වෘශ්චික, ධනු, මකර, කුම්භ, මීන යන රාශි දොළොසට හිමි ලග්නයේ කිනම් ලග්නයකින් ඉපද සිටියත් මල්හීසර වැදී ප්‍රේමයේ මුල් අත්තිවාරම දැමීමට ඔබේ කේන්ද්‍රයේ පහ අධිපතියාට සුවිශේෂ වූ තැනක්‌ හිමිවේ. මෙහිදී ඔබේ ලග්නය හිමි ලග්නාධිපති ග්‍රහයාගේ බලය එය ක්‍රියාකාරී බලයකට ගොඩනැඟීමට පළමු දායකත්වය ඔහු ලබා දෙයි. මෙහිදී 1, 5, 9, 10 අධිපතියන්ගේ බලයද යෝගකාරක ග්‍රහයින්ගේ බලයද 2, 7, 6, 8 අධිපතියන්ගේ බලයද ඉවහල් වන බව ජ්‍යෙතීර්වේදයේ සම්මත න්‍යායයි. මෙහිදී යමෙක්‌ සංසාරගතව තව අයෙක්‌ පතාගෙන ඇවිත් ඇත්නම් ප්‍රේමයට මුල් වීම අනිවාර්යයෙන්ම සිදුවේ.

මල්හීසර

ආත්මගත ප්‍රේමය

එයට මූලික වන සිද්ධාන්ත රැසක්‌ ජ්‍යෙතීර්වේදයේ පෙන්වා ඇත. එනම් සංසාර සාගරයේ ආත්ම ගණන් පතාගෙන ආපු විදිහට මහා බබා තමාගේ ඔලුවේ එය කොටා ඇති බව පෙර ඉසිවරයන්ගේ මතය බව පෙන්වයි. මෙහිදී මෙය සිදුවීම පෙරහැර පොළේදී, මඟුල් ගෙදරක, මළ ගෙදරක, බස්‌ රියේදී හෝ මහජනයා මුණගැසෙන ස්‌ථානයක, වැඩ පළකදී හෝ එය හුඟක්‌ දුරට සිදුවීමට ඉඩකඩ ඇත. ආදරය නොඉඳුල් බව එහි ඇති වටිනාකම තමාට තේරුම් ගැනීමට වාසනාවද එය තුළින් දැඩි ප්‍රේමය ඇතිවීම ඊට පසු එම ප්‍රේමය විවාහයෙන් කෙළවර වී පින්වත් දූ පුතුන් ලබා රටට, ජාතියට, තම ආගමට සේවය කරන අයෙක්‌ ජනිත වන ග්‍රහබල රැසක්‌ ඇත.

මෙතැන් සිට එය විග්‍රහ කිරීමට මම බලාපොරොත්තු වෙමි. යම් තරුණියක්‌ කලා රසයට ප්‍රිය කරයිද එසේ වූ විට කලාව කරන අයෙකු මුණගැසුනු විට විවාහ නොවී සිටින අයෙක්‌ නම් එම කලාකරුවාට තම හදවතින්ම බැඳී ප්‍රේමය පුදකරයි. තවකෙක්‌ ක්‍රීඩා අංශවලට ප්‍රිය කරයිද එම ක්‍රීඩාවල දක්‍ෂ පුද්ගලයාව තම ප්‍රේමවන්තයා කර ගනියි. තව කෙනෙක්‌ පිරිමියකුගේ කඩවසම් ලක්‍ෂණ රූපයට ආසා කරයිද එවිට එම තරුණියගේ සිත අර කඩවසම් පුද්ගලයා කරා ප්‍රේමෙන් ඇදී යයි. මෙම මඟුල් සක්‌වල ප්‍රේමවන්තයන්ට, ප්‍රේමවන්තියන්ට ඔවුන් ඔවුන් මුණගැසීම සිද්ධවීමට සිකුරු, කුජ, බුධගේ බලය ප්‍රධානව ඉවහල්වේ. මේෂ ලග්නයෙන් උපන් අයෙක්‌ගේ ජන්ම පතක කුජ, සිකුරු යෝගය ලග්නයේ යෙදෙමින් එම ග්‍රහ යුවළ නම වැන්නේ සිටි ගුරුගේ පූර්ණ දෘෂ්ටි ලබයි නම් ඔහු හෝ ඇය එම ජන්ම පත හිමි අය ස්‌ත්‍රී හෝ පුරුෂයන්ගේ නොමඳ උදව් ලබන අයෙක්‌ වීම ගෙන දෙවයි. සෞරග්‍රහ මණ්‌ඩලයේ පෙර දිග ජ්‍යෙතීර් විද්‍යාවේ ඉරබටු තරුව ලෙසින් හඳුන්වන සිකුරු තරුව රවි, බුධ සමග සංයෝගව 1, 5, 9, 1, 4, 7, 10 යන කේන්ද්‍ර ස්‌ථානවල බලවත්ව සරස්‌වතී යෝගයෙන් හා ගජ ලක්‍ෂමී යෝගවල උදාවක්‌ ලබයි.

මල්හීසර

මල්හීසර වැදී අසාර්ථක වීම

තමාට ප්‍රතිවිරුද්ධවූ ලිංගික පක්‍ෂය දැඩි ආදරයක්‌ දක්‌වමින් ප්‍රේම සුංගාර රසය තමාට නිතැතින්ම ඒ අය උරුම කරවයි. මෙහිදී මෙය ක්‍රියාවට නැගීමට ස්‌ථානවල භාව බල සට්‌වර්ග බල හිමි ග්‍රහව ස්‌තූන්ගේ බලය ඉතා ශක්‌තිමත් කර ග්‍රහ පන්නරයකින් බලවත්ව සිටිය යුතු අතර ප්‍රේමය ගැන කේන්ද්‍රයෙන් කතා කිරීමේදී දුබල වූ රාහු, ශනි, රවි, කුජ, කේතු, බුධ වැනි පාපයින් පාප පීඩිතව පස්‌වැන්නේ සිටීද ඔවුන්ගෙන් ලග්නාධිපති 1, 5, 9 ත්‍රිකෝණ ස්‌ථානාධිපති ග්‍රහයින්ද විවාහයට අධිපති සිකුරු ග්‍රහයාද පීඩාවීද තිරසාර ප්‍රේමයක්‌ අවුරුදු ගණනාවක්‌ අනාගත දිවියේ ඉදිරියටම ගෙනගොස්‌ ඒ අවසානයේ අපි දකින ස්‌ථිර ප්‍රේමයකින් විවාහය සිද්ධ වීම ගෙන නොදේ. හේතුව මල්හීසර වැදී ප්‍රේමයක්‌ ඇතිවුවත් එය මෙම පීඩිත පාපකාරී ග්‍රහයන්ගේ පවිටු ඵල නිසා නැතිවී යාම නොවැලැක්‌විය හැකිය.

ග්‍රහයෙක්‌ භාවයෙන් නවාංශකයෙන් බලවත්වූවත් නැකත් චාරයෙන් සතුරු නැකත උපතේ ගමන් කර ඇත්නම් එම ග්‍රහයාට හිමි නෛසර්ගික කාරකත්ව බලය යෝග කාරකත්ව බලය ප්‍රතිහීන වීම අපට නොරහසකි. මෙහිදී සැලකිය යුතු දෙයක්‌ ඇත. මා පෙර සඳහන් කළ පරිදි ග්‍රහයා දුබල වී දුර්වලව සිටියත් රාශි බලයෙන් බලවත් වී නවාංශකයෙන් බලවත්වී නැකැත් චාරයෙන් බලවත්වී ඇති ගුරු, සිකුරු, සඳු බුධ වැනි ග්‍රහයින්ගේ පූර්ණ දෘෂ්ටිවලට ඔවුන් ලක්‌වේද ඔවුන් සමග නීච, භංග, රාජ යෝග බල එම ග්‍රහයින් ලබා තිබේ. එවිට සියලු ග්‍රහදොෂ භංගවී ජන්මියාට ප්‍රේමයේ තිරසාර බලය ගෙන දෙවයි. මෙහිදී විශේෂ වූ තවත් වැදගත් ග්‍රහබල සංධිස්‌ථාන රැසක්‌ ඇත.

එනම් යම් අයකුගේ ජන්ම පතක්‌ වර්ග කර ගණන් සාදා බැලීමේදී සිකුරුගේ, රවිගේ, සඳුගේ, සනිගේ, බුධගේ බලය බල වත්ව තම ජන්ම පත්‍රයේ පිහිටා ඇත්නම් එයින් ජන්මියාට විශේෂ වූ ප්‍රේමය ස්‌ථිර වූ හෙයින් විවාහය සිද්ධ විමෙන් විශේෂ වූ දියුණුවක මඟ උදාවීමත් ගෙන දෙවයි. තවද ඔබට දැනගන්නට ජ්‍යෙතීර් විද්‍යාවට අනුව ඉගෙන ගැනීමට යමක්‌ ඇත. එනම් දුරා දුර යෝග, ගජ ලක්‍ෂමී යෝග, මහා පර්වත යෝග, සරස්‌වතී යෝග බලය, සුනතා අධියන, සුබ යෝග, ධර්ම කර්මාධිපති යෝග, රවි, බුද, කේතු ඥණකාරක යෝග යෙදී ඇති ජන්ම පත්‍රයක්‌ තමාට හිමි නම් එහිදී ප්‍රේමයේ ශෘංගාර රසය ජීවිතයේ අති ඉහළින්ම බුක්‌ති විඳින්නෙක්‌ වෙයි. දැකුම් කළු සිතුවම් පොතක රිදී තිරයේ රඟ දෙන සිනමා සිත්තරු සේ තමාගේ ප්‍රේමයේ අනඟ රඟ පහස මෙම ග්‍රහයෝගය මතින් සිකුරුගේ පහස ලැබ මල් සරාගේ උක්‌දඬු දුන්නේ මල්හීසර පහර දරුණුවට වදින බව ජ්‍යෙතීර්වේදව පෙන්වයි.

ග්‍රහබල ආකර්ෂණය

මෙහිදී මෙම ශෘංගාර ප්‍රේමරසය යමෙක්‌ තමාව දුටු පමණින් සිත් සන්තානය ඇයගේ හෝ ඔහුගේ තමා වෙතට ආකර්ෂණවීමට තම මුවින් පිටකරන රසාලිප්ත මධුර වචන පෙළ බුද්ධිමත්ව හසුරුවන්නේ බුද්ධියට, ඥණයට අධිපති බුධ සහ කේතු එහි ආත්ම සංයමයකින් යුතුව තම ක්‍රියාදාමය ක්‍රියාවට නංවනුයේ හොඳ පැත්තෙන් හෝ නරක පැත්තෙන් ගුරු, සඳු, සිකුරුගේ විශේෂවූ ග්‍රහබල ආකර්ෂණය එය ක්‍රියාවට නැගීමට ඉවහල්වේ.

මෙහිදී තමාගේ පෙම්වතිය තමා කෙරෙහි තදින්ම සිත බැඳී යැමට රවිගේ බලය පැවැත්ම තුළදී එය උපකාරීවීම මෙහිදී ප්‍රේමය වුවත් ශිෂ්ට සම්පන්නව භුක්‌ති විඳිමින් අශීලාචාර, කාම උම්මත්තකයන් ලෙස වැඩනොකිරීමට ගුරුගේ, සනිගේ, සිකුරුගේ බලය ක්‍රමවත්ව එයට ග්‍රහරුකුල් දේ සිත පාලනය කිරීම නිහතමානීත්වය උදාර ගෞරවය ආරක්‍ෂා කිරීම එය රැකගැනීම ප්‍රේමය තුළදී වුවත් හිතට එකඟව අදහස්‌ භය නැතිව ප්‍රකාශ කිරීමට වේගවත් වන ස්‌වභාවයක්‌ දෙන වීර වික්‍රමයට නෑකම් කියන කුජගේ සහ රාහුගේ සහ සිතට අධිපති සඳුගේ බලය ඉතා වැදගත් වේ. මෙහිදී දෛවය කොයිබටද පෙම්වතිය, පෙම්වතා කොයිබටද යන්න ප්‍රශ්නාර්ථය සිතේ තබා ගන්නා අයෙකුට තමාට ලැබෙන සහකාරිය හෝ සහකරු ලක්‍ෂණ, කඩවසම් කෙනෙක්‌ද? ගුණගරුක අයෙක්‌ද? කලාකාමියෙක්‌ද? විද්‍යා අංශ නිෂ්පාදන අංශවලට දක්‍ෂයෙක්‌ද ඔහු හෝ ඇය කවදා මට මුණගැසේද? යන්න දැනගැනීමට ජන්ම පත්‍රය පරීක්‍ෂණයකට ලක්‌ කිරීම ඉතාම වටී.

We found this article from Divaina on 2013/11/10.