වෘශ්චික ලග්න හිමියෝ අභියෝග ජය ගනිති

0
1505
වෘශ්චික
වෘශ්චික

[ratings]

උපන් කේන්ද්‍රයට අනුව ග්‍රහ පිහිටීම සහ ග්‍රහයින් ගමන් කරන රාශි භාව ගැන යම් විස්‌තරයක්‌ (ගෝචර) ගමන් අනුව දක්‍ෂ ජෝතීර්වේදියකුට පලා ඵල කථනය කළ හැකිය. මහ දශා අතුරු දශා විදශා, ආදී ග්‍රහ ගමන් ගැනද මෙහිදී වඩාත් සැලකිලිමත්වීම මත නිවැරදි තොරතුරු අනාවරණය කළ හැක්‌කේය. ඒ ඒ ග්‍රහයින්ට නිසඟ බල ඇති වන්නේ පිළිවෙළින් පනතවූ බලවත්කම අනුවයි. මේ නයින් බලන විට රවි, චන්ද්‍ර, ශුක්‍ර, ගුරු බුධ, කුජ, ශනි, රාහු සහ කේතු ඒ අනුපිළිවෙළ වන්නේය. මෙහිදී කේතුගේ බලය අඩුවීමත් රවිගේ බලය වැඩිවීමත් පෙනේ.

තුලා ලග්නය

මෙම රාශියෙන් උපන් අයට ශුභ ග්‍රහයන් ලෙස සැලකෙන්නේ ශනි, සහ බුධ ග්‍රහයින්ය. රවි, කුජ සහ ගුරු ග්‍රහයින් පාපයන් ලෙස සැලකෙයි. තුලා ලග්න හිමියෝ යුක්‌ති ධර්මය අගය කරති. සමාජශීලීවේ. කරුණාවන්තයි. කථාවට දක්‍ෂයි. ව්‍යාපාර කටයුතුවලට හොඳයි. ගත් තීරණය දිගටම ක්‍රියාත්මක කරයි.

තුලාවට අධිපති ග්‍රහයා වන්නේ සිකුරුය. මොහු ලග්නගතව සිටීමෙන් ප්‍රසන්න පෙනුමක්‌ ඇති කරයි. සතුටින් කල් ගෙවයි. තුලාවට සිකුරු ස්‌වක්‍ෂේත්‍ර වීම නිසා විශේෂයෙන් ස්‌ත්‍රියකගේ නම් එවැනි කතක්‌ නිවසට ශ්‍රියා කාන්තාව මෙනි.

සිකුරු 2 වැන්නේ නොහොත් වෘශ්චිකයේ සිටීමෙන් අඹු සැමි දෙදෙනා අතර සතුට සාමය ඇතිවේ. විවාහය සිදුවන්නේ ආලය ප්‍රේමය මුල්කරගෙනයි. සිකුරු තුනටද යහපත්ය. ත්‍යාගශීලිවේ. විවාහයෙන් දායාද ලබයි. කිත් පැසසුම් ලබයි. සාහිත්‍ය සංගීතය කලා කටයුතුවලට ලැදි වේ. 4 වැන්න දිග් බලයි. සිකුරු 4 සිටීම නිසා සුව පහසුව සැලසේ. යාන වාහන ඉඩ කඩම් දේපළ ලැබීමේ භාග්‍ය තිබේ. විවාහය සිදුවන්නේ ආශ්‍රය පදනම් කරගෙනයි. සිකුරු 5 සිටි විට ලෞකික සැප සම්පත් ලබයි. දරුවෝ වාසනාවන්තයින් වෙති. 6 වැන්නේ සිකුරු සිටීම එතරම් යහපත් නැත. සිකුරු 7 වැන්නේ සිටීමෙන් ගෘහ ජීවිතය වාසනාවන්ත වේ. විවාහයද සාර්ථක එකකි. අටවැන්නටද සිකුරු නරක නැත. ස්‌ත්‍රියකගේ නම් පළමුව පුරුෂයාද පුරුෂයකු ගේ නම් ස්‌ත්‍රියද කලින් මරණයට පත් වේ. මරණයද හිටි හැටියේම විය හැකිය. සිකුරු 09 වීමෙන් ඉගෙනීමට දක්‍ෂ වේ. විවාහය සිදුවන්නේ දුර බැහැර ප්‍රදේශයකිනි. රාජ්‍ය අංශයේ රැකියා ලැබීමේ භාග්‍ය සිකුරු 10 සිටීමන් සිදුවේ. 10 වැන්නා කටක රාශිය වීමෙන් නොගැලපෙන අය ආශ්‍රය කරයි. නව නිර්මාණවලට දක්‍ෂවේ. සිකුරු සිංහ රාශි (11) ගතවීම නිසා අලංකාරයට විනෝදයට වියදම් කරයි. ව්‍යාපාර කටයුතුවලින් ධනය උපයයි. සිකුරු 12 සිටීමෙන් ප්‍රේම සබඳතා නිසා කරදර ඇති කර ගනී. ස්‌ත්‍රී/පුරුෂ දෙපක්‍ෂය අතර සම්බන්ධතා වැඩිවේ. (ස්‌ත්‍රීන් පුරුෂයන් සමග සහ පුරුෂයන් ස්‌ත්‍රීන් සමග)

තුලා ලග්න හිමියන්ට පහසුවෙන් වැළඳෙන රෝග වන්නේ මුත්‍රා ආබාධ වකුගඩු රෝගයි.

වෘශ්චික ලග්නය

මෙම ලග්නයේ ජනිත වූවන්ට ශුභ ග්‍රහයින් ලෙස සැලකෙන්නේ ගුරු සහ සඳු ග්‍රහයින් දෙදෙනාය. බුධ, කුජ, ශුක්‍ර, ග්‍රහයින් පාපයෝ වෙති. වෘශ්චික ලග්න හිමියෝ හරි කඩිසරයි. දක්‍ෂයි. ඉක්‌මන්කම වැඩී. කලබලයි. එසේම එඩිතරයි. අභියෝගවලට මුහුණදෙයි. යන එන තැන්වල ඔවුන්ට කැපී පෙනී සිටීමට ඕනෑ කරයි.

වෘශ්චික ලග්නට අධිපති ග්‍රහයා වන්නේ කුජ නොහොත් අඟහරුය. කුජ අශුභ ස්‌ථානයක සිටියේ නම් හදිසි අනතුරු වලට භාජනය කරවයි. කථාව නිසා සණ්‌ඩු සරුවල් ඇතිකර ගනී. වෘශ්චික ලග්න ගතවූ කුජ හදිසි තීරණ ගනී. හදිසි දරුණු විපත් ඇතිවීමට පුළුවනි.

දෙවැන්නට කුජ පැමිණි විට විවාහයෙන් දේපළ ලබයි. ඇතැම්විට කසාද දෙකක්‌ වීමටද පුළුවනි. මුදල්හරි හම්බ කරන්න දක්‍ෂයි. ජීවිතයේ සැදැ සමයේ පවා රැකියා දෙකතුනක යෙදීමට ඉඩකඩ සලසා ගනී.

වෘශ්චික ලග්න හිමියන්ගේ කේන්ද්‍රයේ 3 වැන්නා බලවත් ස්‌ථානයකි. එය ශනි හෝ රාශියක්‌ වන මකරය නිසා ඉතාමත් බුද්ධිමත්ව කටයුතු කරයි. විනය ගරුක වේ. වික්‍රමාන්විත අයකු ලෙස සමාජයේ කැපී පෙනේ. මෙවැන්නෝ ත්‍රිවිධ හමුදාවට වඩාත් ගැලපේ. සතුරු කරදරද ඇති කරයි. පිට රට ගමන් බිමන්වලින් ඵල ප්‍රයෝජන සලසා ගනී. ව්‍යාපාර කටයුතුවලටද යහපති. කුජ 4 වැන්නේ සිටි විට නෑයින්ගෙන් අවුල් වියවුල් ඇති කරයි. අසරණ උදවියට උපකාර කරයි. ව්‍යාපාර කටයුතුවලට හොඳයි. මරණය සිදුවන්නේ නිවසින් බැහැරවයි. දේපළ අතින් ලැබීම් තිබේ. කුජ මීන රාශිගතවූ විට (05) දීර්ඝ ආයුෂ ඇතිකරයි. ඉගනීමට බාධක යෙදිය හැකිය. විවාහය ප්‍රමාද කරයි. දරුවන්ට එතරම් ශුභ දායක නොවේ. 6 වැන්නේ කුජ සිටින වෘශ්චික ලග්න හිsමියෝ නිදහස්‌ව තමාගේ පාඩුවේ සිටීමට කැමැති වෙති. කුජ මේස රාශියට ස්‌වක්‍ෂත්‍රවීම නිසා (මු. ත්‍රි) උද්යෝගය ඇති කරයි. සතුරන්ට බිය නැත. ස්‌ත්‍රී කේන්ද්‍රයක 06 කුජ සිටීම එතරම් යහපත් නැත්තේ දරුවන් ලැබීමේදීය.

කුජ ග්‍රහයා වෘෂභ රාශිගතව 7 සිටීම නිසා කාමාධික වේ. නියම වයසට පෙර විවාහ ජීවිතයට ඇතුළත් වීමට බොහෝ ඉඩකඩ සැලසෙයි. ආලය ප්‍රේමය වැනි දේවල් නිසා කරදර ඇතිකරගනී. විවාහ දිවියද එතරම් සාර්ථක තත්ත්වයක්‌ ඇති නොකරයි. ශරීර සෞඛ්‍ය තත්ත්වයක්‌ යහපත් වෙයි.

කුජ ග්‍රහයා 08 වැන්නේ සිටීම (මිථුන) නිසා යහපත් තත්ත්වයක්‌ අපේක්‍ෂා කළ නොහැකිය. මෙම ස්‌ථානය කුජට සතුරුයි. 08 වැන්න මාරක ස්‌ථානය වීම නිසා හදිසි අනතුරු වලින් හෝ ලෙඩ රෝගවලින් හෝ විපත් ඇති කරයි.

කුජට 09 වැන්න නොහොත් කටකය නීච වූවත් ක්‍රියාශීලී පුද්ගලයෙකු ලෙස කටයුතු කරයි. ඉක්‌මන් කෝපය ඇතිවේ. දුර බැහැර ගමන් බිමන් වලදී අනතුරු කරදර ඇති කරයි. ස්‌ත්‍රී පක්‍ෂය ගැන වැඩි අවධානයක්‌ (පුරුෂයන් නම් යොමු කරයි)

ස්‌ත්‍රීන් නම් පුරුෂයන් ගැන සිතයි.

කුජ සිංහ රාශි ගතවීම (10) ඉතාමත් ශුභදායකයි. ඉක්‌මන්කම කාර්යශූර බව ඇතිවේ. පවුලේ අයට ඉතා හීනවේ. සංගීතයට ලැදීමේ උසස්‌වීම් ලබයි. රැකියාවේ දියුණුව සැලසේ. ප්‍රධානත්වය ලබයි. දේපළ අතින් පොහොසත් අයකු වන්නේය.

කුජ කන්‍යාවේ (11) සිටීම නිසා විදේශ ගමන් බිමන් ඇති කරයි. එම ගමන් වලදී ධනය උපයයි. ව්‍යාපාර කටයුතුවලට ඉතාමත් ශුභ පිහිටීමකි. පොළවෙන් ලැබෙන ඛණිජ වස්‌තූන් ලබා ගැනීමට පුළුවනි.

කුජ තුලාවේ (12) සිටීම යහපත් වූවත් ස්‌ථාන වශයෙන් නියම ඵල අපේක්‍ෂා කළ නොහැකිය. අසරණයන්ට පිහිට වේ. නඩු හබ වලට මුහුණපෑමට සිදුවේ.

We found this article from Divaina
Also Sinhala to English Google word to word translation can be found here