[ratings]
මට ඔබ ගැන දැන ගැනීමට කතා කරන්න යෑයි අපරදිග උගතෙකුගේ කීමක්‌ ඇත. මනුෂ්‍යයෙකු පිළිබඳ බොහෝ කරුණු ඔහුගේ කතාවෙන්ම දැනගත හැකිය යනු යථෝක්‌ත පාඨයේ අදහසය. යමෙකුගේ ඇඳුම පැළඳුම ගැන විමසා බැලීමෙන්ද ඔහුගේ චරිතය මෙබඳු යෑයි කිව හැකි වෙතත් කතාව ඇඳුමටද වඩා මිනිසෙකුගේ චරිත ලක්‌ෂණ ප්‍රකාශ කරන බව සැලකිය යුතුය.
කතාව හසුරුවන වචනයත්, වචන ශබ්ද කරන ආකාරයෙනුත් වාක්‍ය ගලපන ආකාරයෙනුත් හෙතෙම නියම උගතෙක්‌ද, නූගතෙක්‌ද යනු පහසුවෙන්ම තීරණය කළ හැකිය. මෝඩයා කතා නොකරන තරමට පණ්‌ඩිතයෙකු බව කියන කීමත් ඔබ අසා ඇත.
“මුඛරි” බව ඇතැම් අයට උපතින්ම උරුම වෙයි. උගත්කම නැතත් උගතෙකු ලෙස කතා කිරීමට එවැන්නන්ට හැකියාව ඇත.
මුඛරිකම පැවිදි ජීවිතයටද ඉතා වැදගත්ය. ගුරුවරුන් කෙරෙහිද එය පිහිටීම අවශ්‍යය. සමහර අයට උගත්කම ඇතත් කතාවට අදක්‌ෂ වෙයි. ලිවීමට හපන්කම ඇතත් මාර්ටින් වික්‍රමසිංහ මහතා කතාවේදී අදක්‌ෂය. වචනය යම් කිසිවක්‌ හෙළි කිරීමට මෙන්ම සැඟවීමටද හැකිය.
දුෂ්ට චරිත ගති ඇති සමහරුන් විශිෂ්ට අය ලෙස කතා කරති. ඔවුන් වචනයේ බලය චරිත ලක්‌ෂණ සඳහා හසුරුවයි. රැකියාවකට තෝරා ගැනීමේදී වාචික පරීක්‌ෂණද පවත්වති. කතා ශෛලිය රැකියාවන් කෙරෙහි බලපානු ලැබේ. පොලිස්‌ නිලධාරියෙකුගේ කතා කලාව පිළිගැනීමේ නිලධාරියෙකුට සුදුසු වන්නේ නැත. තැනට සුදුසු පුද්ගලයාට සුදුසු කතා කලාවක්‌ වෙළෙඳ ව්‍යාපාරිකයන් දනිති. හදවතේ හලාහල විෂ ඇතිව සඳුන් මෙන් සිසිල් වචනයෙන් පෙම්වතිය නළවන කපටි පෙම්වතුන් බොහෝය. අප සමාජයේ වැඩි දෙනෙක්‌ කපටියන්ගේ කතාබහට රැවටෙති.
පරිසරය හා ඇසුරද කතාව කෙරෙහි බලපෑම් කරයි. ගමින් පිට ටික කලක්‌ ඈත් වී නගරයේ ජීවත් ව සිට නැවත ගමට එන අයගේ පුරුදු කතා කලාව වෙනස්‌ වෙයි. එමෙන්ම කලක්‌ පැවිදිව සිට උපැවිදි වූ අයගේ කතාවද ව්‍යක්‌ත වෙයි. පන්සල් බස ඔහුට හුරුය. වෘත්තිය අනුවද වචන වෙනස්‌ වෙයි. ඒ අනුවද කතා කිරීමේදී අනෙකාගේ රැකියාව තරාතිරම දැනගත හැකිය.
තමන් ගැනම වැඩි අවධානයක්‌ ඇති අය කතා කරන විට “ස” යන්න හෝ “එස්‌” අකුර හෝ වැඩිපුර යොදා කතා කරයි. අස්‌සේ යන්නට “අයිශේ” කියයි. “ශ” යොදා කතා කරන්නේ රස්‌තියාදුකාර නිකමුන්ය. ගැහැනු ළමයින් තමන් උගත් යෑයි හැඟවීමට ඉංග්‍රීසි වචන යොදමින් කතා කරති. ඉංග්‍රීසි වචන අසා නැති ආච්චි සීයලා හා ඉංග්‍රීසියෙන් වචන යොදමින් අමතයි. වචන භාවිත කළ යුත්තේ පුද්ගලයා ගැන සලකා බලාය.
බුදුහිමි දහම් අවබෝධ කරවීමට පුද්ගලයාගේ වෘත්තිය අනුව නිදසුන් ගෙන හැර පෑ බව පෙනී යයි. වචනයේ තරංග බලය ඉතා වැදගත්ය. මන්ත්‍ර ශාස්‌ත්‍රයට එය විශේෂ වෙයි. ප්‍රසන්නව පසුවෙන අයෙකු එක්‌වරම අප්‍රසන්නතාවට ලක්‌ කිරීමට වචනයෙන් දෙකෙන් කළ හැකිය. ඇති කරන සතා වුවද වචන බලයෙන් අකීකරු කළ හැකිය. හෙමින් කතා කරන්නෙකුට ගව
රැලක්‌ පාලනය කරනු අපහසුය. ඇත් ගොව්වාට ඝෝෂිත කටහඬක්‌ විය යුතුය. ප්‍රබල කටහඬට සතුන් පවා මෙල්ල වෙයි. මිහිරි හඬට සියල්ලෝම ප්‍රිය වෙයි. බල්ලා, හරකා, කුරුල්ලා එළවා දැමීමට හැමෝටම අපහසුය. භාර්යාව වුවද ඉතා සෙමින් කන්කෙඳිරි ගෑම පුරුෂයාගේ අප්‍රසාදයට හේතුවෙයි. සිය දරුවා නළවා ගැනීමට අපහසු මව්වරුද සිටිති. අකීකරු දරුවා මෙල්ල කිරීමට කටේ බලය අවශ්‍යය.
කතාවේ ක්‍රමවත් භාවයට බුධ ග්‍රහයාගේ ප්‍රබලත්වය අවශ්‍යය. බුධ නීච අය ගොත ගසයි. ශරීර ශක්‌තියද ස්‌නායු බලයද නිරෝගී පෙණහැල්ලක්‌ හා ශ්වාස නාලයක්‌ද උච්චාරණයට අවශ්‍යයි. රෝගියාගේ කතාව දුබලය. ක්‍රීඩකයාගේ කතාව ප්‍රබලය. උපන් බිළි¹ගේ කටහඬ අසා ස්‌ත්‍රීද, පිරිමිද කියා හඳුනාගත හැකිය. වාග් ශක්‌තියට ආරේ ගුණයද අවශ්‍යය. සිත ඇදෙන කතා ස්‌ත්‍රී මායම් කෙරෙහි බලපානවා ඇත.
We found this article from Divaina
Also Sinhala to English Google word to word translation can be found here