අත්ලේ කෝණය හා කොටු වලින් කියවන පලාපල

0
457
අත්ලේ
අත්ලේ

[ratings]

උරහිසේ සිට වැලමිට දක්‌වා කොටසත්, වැලමිටේ සිට වළලුකර දක්‌වා කොටස මෙන්ම වළලුකරේ සිට ඇඟිලි පහ හා අල්ලද යන කොටසත් අතක්‌ වන අතර අත බලා ශාස්‌ත්‍ර කීමේදී පරීක්‍ෂාවට ලක්‌ කෙරෙන්නේ, අතක ඒ තෙවැනි කොටසය.

එනම්, මහපටඟිල්ලද, දබරැඟිල්ලද, මැදඟිල්ලද, වෙදඟිල්ල හා සුළැඟිල්ල, අල්ලද යන කොටසය.

එක්‌ එක්‌ කෙනා සතුව එක්‌ එක්‌ ආකාරයේ අත් ඇති නමුත්, පොදුවේ ගත් කල දෙවර්ගයකැයි කීමට පුළුවන. කෝණාකාර අත් හා චතුරස්‍රාකාර අත්ද ඒ දෙවර්ගයයි.

කෝණාකාර අතක, සුළැඟිල්ලෙන් පහළ, අල්ලෙන්ද පහළ මැණික්‌කටුව අසල කොටස කවාකාර අන්දමටද, ඇඟිලි එකට තබා ගෙන දිගු කළ විට, අත ත්‍රිකෝණාකාර හැඩයකටද පිහිටා ඇත. සුළැඟිල්ලෙහි කෙළවරත්, අල්ලෙහි මුල මැණික්‌ කටුවත් දක්‌වා කොටස සෘජු ස්‌වභාවයක්‌ ගන්නේ නම් හා ඇඟිලි එකට තබා ගෙන දිගු කල විට අත චතුරස්‍රාකාර හැඩයකට පිහිටා ඇත්නම්, චතුරස්‍රාකාර අතකි.

අතෙහි ප්‍රමාණයට ගැලපෙන අයුරින් මහපටැඟිල්ලද ඇතුළු ඇඟිලි පිහිටා තිබිය යුතු අතර ඇඟිලිවලට වඩා අල්ල සාමාන්‍යයෙන් දිගුවිය හැකිය. සමහරුන්ගේ අත්වල ඇඟිලි, අල්ලේ ප්‍රමාණය හා සමඟ සැසඳෙන්නේ නැති තරම්ය.

මේ ලිපියෙන් විස්‌තර කෙරෙන්නේ කෝණාකාර අත් හා චතුරස්‍රාකාර අත්ද පිහිටා ඇති අයගේ ගති ලක්‍ෂණ පිළිබඳවය.

කෝණාකාර අත් හිමි පුද්ගලයන් ආවාට ගියාට නොව, මොළය පාවිච්චි කරමින්, ඒ ඒ කාර්යයන් කිරීමේ හැකියාවක්‌ ඔවුන් සතුය. අන් අයට වඩා වැඩියෙන් කැපී පෙනෙන අන්දමට කටයුතු කිරිමේ හැකියාවක්‌ද ඔවුන් සතුව ඇත. සැප පහසුකමකින් යුතුව ජීවිතය ගත කිරීම පිළිබඳව විවිධාකාර මතිමතාන්තර ඔවුන් තුළ ඇති නමුත් ඒ ආකාරයේ ස්‌වභාවයකට පත් වීමටවත් ස්‌ථිරසාර ස්‌වභාවයක්‌ උදාකර ගැනීමටවත් උනන්දුවක්‌ නොදක්‌වන සෙයක්‌ දක්‌නට ඇත. ප්‍රශ්න ගැටලු සහගත ඕනෑම අවස්‌ථාවකදී, සෙස්‌සන් අකාර්යක්‍ෂම තත්ත්වයකට පත්වන විටම ඊට ගැලපෙන අන්දමට තමන්ගේ අදහස්‌ උදහස්‌ ඉදිaරිපත් කරමින්, ඒවා ක්‍රියාවට නැංවීමේ දක්‍ෂතාවයක්‌ද ඔවුන් සතුය. සෙස්‌සන් පවා උනන්දු ස්‌වභාවයකට පත් කිරීමේ හැකියාවක්‌ද ඔවුන් තුළ දක්‌නට ඇත. එසේ වූවද ස්‌ථිර සිතිවිලි සමුදායක්‌ ඔවුන් තුළ දක්‌නට නැති සෙයකි. චරිත ස්‌වභාවයද ස්‌ථාවර තත්ත්වයක නොපවතින ස්‌වභාවයකි. කිසියම් කටයුත්තක නියෑලී සිටියදී, හිටිහැටියේම වාගේ වෙනත් කටයුත්තකට යොමු වන්න ඉඩ ඇති අතර කරන කටයුත්තක ප්‍රතිඵල ලැබෙන තෙක්‌ එය කරගෙන යැමටද උත්සාහ නොදරන ගතියක්‌ තිබිය හැකිය.

චතුරස්‍රාකාර අත්හිමි පුද්ගලයන්

තමන් කුමන විධියේ පුද්ගලයකු දැයි මැනවින් අවබෝධ කරගෙන ඊට අනුකූලව කටයුතු කරන මොවුහු නීතියට හා විනයටද ගෞරවයක්‌ දක්‌වන අය වෙති. කාර්යශූර අයද විය හැකිය. වගකීමක්‌ දරමින් කටයුතු කිරීමේ දක්‍ෂතාවයක්‌ද තිබිය හැකිය. තමන් පිළිබඳව ඔවුන් තුළ විශ්වාසයක්‌ද තිබෙන්නට පුළුවන.

එදිනෙදා දිවි පෙවෙත ගෙන යන වටපිටාවට අනුකූල වන අන්දමට හැඩ ගැසීමට තරම් පුළුවන්කමක්‌ ඔවුන් සතුව ඇත. ලෝක සම්මත දේවල් කෙරෙහි ගරු සරු දැක්‌වීම ඔවුන්ගේ ස්‌වභාවයකි. කිසියම් කාර්යයක ප්‍රතිඵල අත්කර ගැනීම සඳහා ඔවුන්ට හැකියාවක්‌ ඇත්තේ, තමන්ට පැවරී ඇති වගකීමට අනුකූල වන ආකාරයට ඒ ඒ අය හැසිරවීමටත් ඒ ඒ අයට ගැලපෙන කාර්යයන් පැවරීමටත් හැකියාවක්‌ ඇති හෙයිනි. මේ නිසාම ඔවුන් ඉහළ පෙළේ තනතුරුවලට පත්වීමටද බැරිකමක්‌ නැත.

පූජ්‍ය පක්‍ෂයේ අය, දේශපාලනඥයන්, කලාකරුවන්, වෛද්‍යවරුන්, ඉංජිනේරුවන්, විද්‍යාඥයන්, කාර්මික ශිල්පීන්, කම්කරුවන් ආදීන්ගේ අත් විවිධාකාරය. එසේ වූවද, ඕනෑම අතක පැහැදිලිව දක්‌නට ලැබෙන අංග තුනකි. ජීවන රේඛාවත් හෘදය රේඛාව හා ශීර්ෂ රේඛාවත් ඒ තුනය. පුද්ගලයාගෙන් පුද්ගලයාට ඒ රේඛාද විවිධාකාරය. මීට අමතරව, දෛව රේඛාව, විවාහ රේඛාව, දරුඵල දැක්‌වෙන රේඛා, විදේශගත වන වග කියෑවෙන රේඛාව, ධන රේඛාව ආදී රේඛාද අත්වල දක්‌නට ඇත.

විශේෂයෙන්ම මහපටැඟිල්ලද, සෙසු ඇඟිලිද පිටි පසට නැමෙන ආකාරයෙන්ද ශාස්‌ත්‍ර කිව හැකිය.

අතක පිහිටි තරු, කොටු, කතිර ලකුණුද, තිත්, ලප ලකුණුද, අත බැලීමේදී පරීක්‍ෂාවට ලක්‌ කෙරේ.

අපරාධකරුවන් සොයා ගැනීමටද අත බලගතු පිටිවහලක්‌ කර ගන්නා අතර එහිදී පරීක්‍ෂාවට ලක්‌ කෙරෙන්නේ ඇඟිලි සලකුණුය. පුද්ගලයකු අත ගැසූ, ඇල්ලූ සෑම දෙයකම ඔහුගේ හෝ ඇයගේ හෝ ඇඟිලි සලකුණු සටහන් වීම අනිවාර්යයෙන්ම වාගේ සිදුවීම වැළැක්‌විය නොහැකිය.

අපරාධ පරීක්‍ෂණ නිලධාරීන්, එක්‌තරා උපක්‍රමයකින් ඒ සලකුණු ඡායාරූපයට ගන්නා අතර සැකකටයුතු පුද්ගලයන් අල්ලා ගැනීමට, ඒ සලකුණු වලින් ලැබෙන රුකුල ඉමහත්ය.

හස්‌ත රේඛාවලින් පලාපල කීම, ලංකාව, ඉන්දියාව වැනි රටවල බෙහෙවින් ප්‍රචලිතය.

ජීවන, හෘදය හා ශීර්ෂ යන ප්‍රධාන රේඛා තුන සමහරුන්ගේ සෑහෙන්නට දිගය, සමහරුන්ගේ කොටය. දීර්ඝව පිහිටියේ නම් යහපත්ය. එසේ වූවද, තැන් තැන්වල කැඩී තිබීම අයහපත්ය.

යමකුගේ ජීවන රේඛාව, ඉරක්‌ ගැසූ පරිද්දෙන්, මැණික්‌ කටුවෙනුත් පහළටම වාගේ වැටී ඇත්නම්, තැන් තැන්වල කැපී කැඩී නැත්නම්, ඔහු හෝ ඇය හෝ දීර්ඝ කාලයක්‌ ජීවත් වනවාට සැකයක්‌ නැත. සමහරවිට, සිය වසකටත් වඩා වැඩි කලක්‌ ජීවත් වන්නට පුළුවන.

මේ අතර, අල්ලේ මැද ලස්‌සෙන් මහපටැඟිල්ල පහළ සිට මැණික්‌ කටුව දක්‌වා නොකැඩුණු ඉරක්‌ පරිද්දෙන්, පැහැදිලි රේඛාවක්‌ (ධන රේඛාව) පිහිටා ඇත්නම්, ධනපතියකු හෝ අතමිට සරු කෙනකු හෝ වනවා සිකුරුය.

We found this article from Divaina
Also Sinhala to English Google word to word translation can be found here

Please follow and like us:

Leave a Reply

avatar
2000
  Subscribe  
Notify of