නිවසේ ඉදිකිරීම් නතර වෙලාද?

0
485
Construction
Construction

ආයෙත් පටන් ගන්නේ මෙහෙමයි!

සුනිමල් හා යශෝධරා තමන්ගේම කියා නිවසක්‌ සාදා ගැනීමට බොහෝ සිහින මැව්වෝය. මේ අනුව නිවාස ණයක්‌ ලබා ගත් යුවළ ශුභ තැනකට මුල් ගල් තබා නිවසේ වැඩ ආරම්භ කළහ. එහෙත් වැඩි කලක්‌ යැමට පෙර සුනිමල් හා යශෝධරා අතර අඬදබර ඇති විය.

නිවසේ ඉදිකිරීම්ද නතර විය. ඔවුන්ට ඉතා අවාසනාවන්ත කාලයක්‌ උදාවී ඇති බව පෙනුණි. ජ්‍යෙdතිෂ ශාස්‌ත්‍රඥයකු කරා ගිය සුනිමල්ට හා යශෝධරාට දැනගන්නට ලැබුණේ නිවස ආරම්භ කර ඇති නැකත ඉතා අශුභ බවයි. එම නැකත සාදා දුන් දෛවඥ මහතාට බැන වැදුණු මෙම නව දෛවඥයා මුලින්ම මුල් ගල ගලවා නව මුල් ගලක්‌ තබා වැඩ ආරම්භ කරන මෙන් උපදෙස්‌ දී නැකත් ද ලියා දුන්නේය. එහෙත් ඒ නැකතද පල දුන්නේ නැත.

අවසානයේ දී ඔවුන් තත්කාල නිමිත්ත දන්නා ජ්‍යෙdතිෂ ශාස්‌ත්‍රඥයකු වෙත ගියේය. එහිදී දැනගන්නට ලැබුණේ යශෝධරාට හා සුනිමල්ට ඒරාෂ්ඨක අපලයක්‌ ලබා ඇති බවයි. මේ අපලවලට ග්‍රහ ශාන්තිකර්ම කරනු ලැබිණි. මේ වන විට නැවතත් නිවසේ වැඩ ආරම්භ වී තිබේ.

ඉදිකරන නිවසේ වැඩ අතරමග නතරවී අපේක්‍ෂා භංගත්වයට පැමිණි සුනිමල් හා යශෝධරා වැනි බොහෝ අය අප අතර සිටින බව පෙනේ. එහෙත් ප්‍රශ්න විස¹ දීමට සමත් අය විරලය. නිවසක ඉදිකිරීම් අතර මග නවතා ඇති නම් ඒ සඳහා ඉමහත් ලෙස බලපාන කරුණු හෙවත් දෝෂ තුනක්‌ ජ්‍යෙdතිෂයේ සඳහන් වේ. ඒ කරුණු තුන පහත පරිදි සැකෙවින් විස්‌තර කළ හැකිය.

01. වාස්‌තු දෝෂ

වාස්‌තු දෝෂ යනුවෙන් හඳුන්වන්නේ ඉදිකරන නිවසේ අත්තිවාරම, බිත්ති, දොර ජනෙල් හො වහලය ආදී ස්‌ථානවල ඇති දෝෂයි. අත්තිවාරමේ ක්‍ෂේත්‍රඵලය නුසුදුසු නම් ගෙහිමියාට වියදම් අධික විය හැක. මෙය උළුවහු ජනෙල් තැබීම අනුවද යෙදේ. එහි ප්‍රතිඵලයක්‌ හැටියට ගෙහිමියා ආර්ථික දුෂ්කරතාවන්ට පත්වීම නිසා ඉදිකිරීම් අඩපණ වනු ඇත. නිවසක්‌ සෑදීමට බලාපොරොත්තු වන කෙනකු මුලින්ම කළ යුතු වන්නේ වාස්‌තු දෝෂවලින් තොර නිවැරැදි නිවාස සැලැස්‌මක්‌ පිළියෙල කර ගැනීමයි. එසේ කළද ඉදිකරගෙන යන විට හිතට එන එක එක අදහස්‌ අනුව සැලසුම වෙනස්‌කරමින් සෑදීමට යැමද නොදැනුවත්වම දෝෂ ඇතිවීමට හේතුවේ. නිවසක වැඩ නතරව ඇත්නම් වාස්‌තු දෝෂ ඇති දැයි පරීක්‍ෂා කළ යුතුය.

02. ග්‍රහ දෝෂ

මුල්ගල තබන නැකත දෝෂ සහිත වීම නැතහොත් ශුභ නැකතක්‌ වුවද පසුව ගෙහිමියාට ඒරාෂ්ඨක අපල කාලයක්‌ උදාවීමද බාධා ඇතිවීමට හේතුවේ. ජන්ම පත්‍රයේ හතරවන භාවය පීඩාවට පත්වන අපල ඇති විටද නිවාසයක්‌ ඉදිකිරීම් පහසු නැත. විශේෂයෙන් හතරවැන්නේ සිටින සඳු මතින් ශනි ගමන් කරන කාලය වාසස්‌ථානවල කරදර පීඩා ඇතිකරනු කාලයකි. එවැනි කාලයක්‌ නම් ග්‍රහ ශාන්තිකර්ම කළ යුතුය. තවද කේන්ද්‍රයේ හතරවන භාවය එහි අධිපති හා සිකුරු දුර්වල වී ඉපදුණු අයට තමන්ගේ කියා නිවසක්‌ සාදා ගැනීමට බොහෝ බාධා ඇතිවේ. එසේ වන්නේ පෙර අකුශල කර්ම ශක්‌තීන් ක්‍රියාත්මක වීමෙනි. මේ කරුණු ජන්ම පත්‍ර පරීක්‍ෂාවක්‌ මගින් ගෙවිය හැක.

03. අමනුෂ්‍ය දෝෂ

වැඩ නතර වී බාධා පවතින නිවසක අමනුෂ්‍ය දෝෂ තිබිය හැක. ඒවා නිවස පරීක්‍ෂා කළද කේන්ද්‍ර පරීක්‍ෂා කළද දැකිය නොහැකි වේ. තත්කාල නිමිත්ත දන්නා ජ්‍යෙdතිෂ ශාස්‌ත්‍රඥයකුට පමණක්‌ එය පෙනේ. තවද ගෙහිමියාටද තරමක්‌ දුරට එය දැනෙනු ඇත. අමනුෂ්‍ය දෝෂ රාශියකි. බහිරව දෝෂ, ප්‍රේත දෝෂ ආදී වශයෙන් බාහිර අමනුෂ්‍යයන්ගෙන් පැමිණෙන දෝෂ මෙන්ම අනවින කොඩිවින වශයෙන් දුෂ්ඨ මිනිසුන් කරන දේවල්වලින්ද අමනුෂ්‍ය දෝෂ ඇති වේ. එවැනි විටෙක එම දෝෂ ඉවත් කර ගැනීමට සිදු වේ. කරුණු මෙසේ හෙයින් නිවසක වැඩ අතර මග නතරවී ඇති නම් මේ දෝෂවලින් කුමක්‌ ක්‍රියාත්මක වේ දැයි සොයා ගෙන එය ඉවත් කරගත යුතු වන්නේය. ඒ සඳහා වාස්‌තු විද්‍යාව හා තක්‌කාල ජ්‍යෙdතිෂය ගැන දන්නා උගත් ජ්‍යෙdතිෂ ශාස්‌ත්‍රඥයෙකුගේ සේවාව ලබා ගත යුතු වනු ඇත. මක්‌නිසාද යත් නිවාස පරීක්‍ෂාවෙන් වාස්‌තු දෝෂද, කේන්ද්‍ර පරීක්‍ෂාවෙන් ග්‍රහ දෝෂද, තත්කාල ශාස්‌ත්‍රය මගින් අමනුෂ්‍ය දෝෂද හඳුනාගෙන ඒ ග්‍රහ දෝෂවලට විසඳුම් ලබාදිය යුතු බැවිනි.

We found this article from Divaina on 2013/07/21.
Also Sinhala to English Google word to word translation can be found here