බහිරව පූජාව දේවතා පූජාවක්‌ද? මල පෙරේත පූජාවක්‌ද?

1531
පූජාව
පූජාව

ගෘහ කර්මයක්‌ ආරම්භ කිරීමට ප්‍රථම එම භූමියේ පවතින දොaෂ ඉවත් කිරීම සඳහා වාස්‌තු පූර්ව ශාන්ති කර්මයක්‌ ලෙස බහිරව පූජාවක්‌ පැවැත්විය යුතු බව වාස්‌තු ශිල්පය තුළ පෙන්වා දී ඇත. විශේෂයෙන් භූමියේ ප්‍රබලව සිටින භූමි ඥාතීන් උදෙසා සිදුකරනු ලබන මෙම ශාන්තිකර්මය අප බොහෝ දෙනා හඳුන්වන්නේ බහිරව පූජාව නමැති ජනප්‍රිය නාමයෙනි.

බහිරව පූජාවේ වාස්‌තු අවශ්‍යතාවය කුමක්‌ද යන්න පිළිබඳව ඔබට මූලික දැනුමක්‌ තිබිය යුතු වේ. ඔබගේ අභිනව නිවස ඉදිකිරීම සඳහා සූදානම් වන භූමියේ පෙර අයිතිකරුවන්ගෙන් අවසර ලබා ගැනීම මෙහි මූලික පරමාර්ථය වේ.

බහිරව පූජාව පැවැත්විය යුතු ප්‍රධාන අවස්‌ථා

  1. නව භූමියක නව නිවසක්‌ සැදීමේදී
  2. දැනට ඉදිකොට ඇති පැරණි නිවාස සඳහා කොටසක්‌ එක්‌කිරීමේදී
  3. පැරණි නිවසක්‌ මිලදී ගැනීමෙන් පසුව
  4. නව නිවසක්‌ මිලදී ගැනීමෙන් පසුව
  5. කාලයක්‌ වැඩ නැවතී තිබී නැවත වැඩ ආරම්භ කිරීමේදී
  6. භූමි දෝෂ බලවත්වීම සිදුවන ඕනෑම අවස්‌ථාවකදී.

ඉහතින් දක්‌වන ලද කුමන අවස්‌ථාවකදී වුවද බහිරව දේවතා පූජාවක්‌ පැවැත්වීම සුදුසු බව වාස්‌තු ශිල්පය තුළ පෙන්වා දි ඇත. මේ තුළින් සියලු ගෘහ වාසීන්ගේ ආශිර්වාදය ලැබෙන බවද වාස්‌තු ශිල්ප තුළ පෙන්වා දී තිබේ. ඔබේ ඉඩම ඔබට අයිති වූවාම පමණක්‌ නොවේ. මේ භූමිය හා සත්ත්වයන් ඇතිවූදා සිට භූමියට අයිතිවාසිකම් කියන පිරිස්‌ භූමිය හා අනුගතව සිටින බව ඉතා සක්‍රීය දෙයකි. මේ නිසා එම කොටස්‌ සමග කතාකොට ඔවුන්ගේ අවසරය හා ආශිර්වාදය ලබාගැනීම සඳහා අප විසින් යොදා ගනු ලබන ක්‍රමවේදය වන්නේ එම බහිරව පූජා විධි ක්‍රමයයි.

බහිරව පූජාව අප බහිරව දේවතා පූජාව ලෙස ද හැඳින්වීමට පෙර කල සිටම හුරු වී සිටිමු. මීට හේතුව වන්නේ භූමිය යන්න දේවත්වයෙන් සැලකීමට පුරුදුවී සිටීම නිසාය. කෙසේ වුවද භූමිය මත සිට සහ භූමිය අභ්‍යන්තරයේ තම වාසය කොට ගෙන පවතින්නා වූ භූ+මිගත සත්ත්ව කොටස්‌ දෙකක්‌ ඇති බව වාස්‌තු ශිල්පය තුළ දක්‌වා ඇත.

  1. ආතාල බහිරව
  2. පාතාල බහිරව

මෙසේ ආතාල යනුවෙන් හඳුන්වන්නේ භූමියේ මතුපිට වාසය කරන කොටස්‌ යන්නයි. පාතාල යනු භූමියේ අභ්‍යන්තරයේ වාසය කොටස්‌ යන්නයි. මෙම කොටස්‌ දෙකම එක ලෙස වැදගත් වන අතර ගෘහ කර්මයේද අපගේ වැඩි අවධානයක්‌ යොමු කරන්නේද භූමිය මතුපිට වාසය කරන්නාවූ කොටස්‌ වෙතටයි.

එසේම නූතන බහිරව පූජා විධික්‍රම සිදුකිරීම ඉතාමත් වැරදි සහගත බව පෙන්වා දිය යුතු සමාජ මෙහෙවරකි. ගෘහයන් සෑදීමේදී භූමිය මතුපිට කොටස්‌ සඳහා යහපත් පූජාවක්‌ සිදු කළ යුතු වේ. එසේ වුවද, නූතනයේ බහිරව පූජාවන් පැවැත්වීමේදී භූමිය අභ්‍යන්තරයේ සිටින කොටස්‌ද අවුස්‌සා ගැනීම සිදු කිරීම ඉතාමත් වැරදි බව පෙන්වා දෙමි. විශේෂයෙන්ම ආතාල සහ පාතාල යන කොටස්‌ දෙකටම අප කතා කරනු ලබන්නේ භූමියේ සිදුකරනු ලබන කැණීම් හා පතල් කටයුතුවලදී පමණයි. ගෘහ කර්මයේදී ඒවා අනවශ්‍ය කාරණා ලෙස පෙන්වා දෙමි. මේ තුළින් සිදුවන්නේ කාලය, ධනය හා සම්පත් නාස්‌තිය මෙන්ම අනවශ්‍ය දෝෂ කැඳවා ගැනීමයි. නූතනයේ බහිරව පූජා කියා සිදුකරනු ලබන ශාන්තිකර්ම පිළිබඳව ඔබ වඩාත් විමසිලිමත් විය යුතුයි. වාස්‌තු ශිල්ප පරිදි බහිරව පූජාවක්‌ පැවැත්වීමේදී අප විශේෂයෙන් සිදුකරනු ලබන්නේ භූමිය මතුපිට වාසී භූමි ඥාතීන්ගෙන් අවශ්‍ය ආශිර්වාද ලබා ගැනීමයි.

මේ සඳහා සිදු කළයුතු ක්‍රියා පිළිවෙත වන්නේ

  1. තෙරුවන් වැඳ පංචශීලය සමාදන්ව සෙත් පිරිත් සඡ්ජායනාකොට තුණුරුවන්ගේ පිහිට ආශිර්වාදය ලබා ගැනීමයි.
  2. පළාතට අධිපති ගම්භාර දෙවියන්ට පළතුරු පූජාව හා අනෙකුත් පුද පූජා පැවැත්වීමයි.

3.භූමියේ හා නිවසේ මතුපිට වෙසෙන්නා වූ භූමි ඥාතීන් අමතා ඔවුනගේ අවසරය ලබා ගැනීම සහ පින්පෙත් අනුමෝදන් කිරීම.

  • තවදුරටත් අවනත නොවන භූමිය මතුපිට සිටින භූමි ඥාතීන් ඉවත් කිරීම සඳහා ගම්භාර දෙවියන්ගේ නියෝග විධි විධානයන් පරිදි 08 කෝණ සහ 04 කෝණ පිරිසිදුකොට ආරක්‌ෂා කිරීම සඳහා පොල්මල හා ආවේනික ඖෂධීය කොළ වර්ග යොදා ගැනීම හා දෙහි කැපීම සිදු කිරීම කළ යුතුවේ.

මේ ආකාරයට භූමිය මතුපිට සිටින භූමි ඥාතීන් සමඟ කථා කොට ඔවුන්ට පින් පෙත් ලබාදී ඔවුන්ව සතුටුකොට ඔවුන්ගෙන් අවසර ලබා ගැනීම සහ අහිතවත් කොටස්‌ ගම්බාර දෙවියන්ගේ ආරක්‌ෂාව ඇතිව එම විධානයන්ගෙන් භූමිය හා නිවසින් ඉවත්කිරීම සහ සියලු දෝෂ ඉවත් වීම සඳහා දෙහි කැපීම තුළින් බහිරව පූජාව අවසන් වනු ලැබේ. මෙම බහිරව පූජාව තුළ බුදු ගුණ සහ සෙත් පිරිත් සඡ්ජායනය ඉතා බලවත්ව යොදාගනු ලැබේ.

ඔබත් සිතන්න ඔබේ නිවසේ ඉඩමේ බහිරව පූජාව සිදුකළේ මේ ආකාරයටද කියා. ඇත්තටම වාස්‌තු ශිල්පයේ ගෘහ කටයුතු සඳහා බහිරව දේවතා පූජාව නිසි පරිදි සිදු කළ යුතු වන්නේ ඉහත ආකාරයට වුවද සමාජයේ මෙම බහිරව පූජාව මුදල්, කාලය නාස්‌ති කරනවා මදිවට දිය, මස්‌, ගොඩ මස්‌, පුළුටු, රුධිරය එක්‌කරමින් අවට ඉඩම්වල සිටින මල පෙරේතයින්, පමණක්‌ නොව යක්‌ෂ, අමනුෂ්‍ය, කොටස්‌ පවා තමන්ගේ ඉඩමට, නිවසට ආරාධනා කරමින් මල පෙරේත පාටියක්‌ බවට පත්කොට ඇත. මෙම පාටියට විශාල මුදලක්‌ වැය කරන අතර මුළු රැයක්‌ පුරා නිදි වර්ජිතව සිටී. මෙවැනි දේවල් ඉතාමත් වැරදිසහගත බව ඔබට පෙන්වා දෙන්නේ ඉතාමත් අනුකම්පාවෙනි. නැතිනම් ඔබට වෙන්නේ අහක යන නයි ඇඟට දමාගෙන කනවෝ කියා කීමටයි. මෙහිදී ඔබගේ අහිමිවන මුදල්වලට අමතරව ඔබගේ භූමියට, නිවසට, යාබද ඉඩම්වල සිටි කොටස්‌ද පැමිණ වාසය කිරීම තුළ ඔබට යහපතක්‌ නම් සිදුනොවනු ඇත.

ඉහතින් පෙන්වා දුන් පරිදි ඔබගේ ගෘහය සෑදීමේදී භූමියේ මතුපිට සිටින කොටස්‌ වලින් අවසර ලබා ගැනීම කළ යුතුම දෙයක්‌ වන අතර ම වාස්‌තු ශිල්පවලට අනුකූලව බුදුගුණය හා ගම්භාර දෙවියන්ගේ උදව් ඇතිව එම කටයුත්ත සිදුකළ යුතු අතර පලතුරු සුවඳ පමණක්‌ යොදා ගැනීමට මතක තබා ගත යුතුයි. එවිට ඔබගේ ඉඩම් සියලු දොස්‌ දුරුවී භූමි ඥාතීන්ගේ පිහිට ආරක්‌ෂාව සහ ආශිර්වාදය හිමිවනු ඇත. නැත්නම් සිදුවන්නේ අහක ඉන්න නයි ඔබගේ ඉඩමට බලෙන් ගෙන්වා ගැනීමක්‌ වැනි අර්ථ ශූන්‍ය කටයුත්තකි.

We found this article from Divaina on 2013/09/01.