භාව දොළහෙන් කියවෙන ඔබේ යහගුණ

0
605
හතර කේන්ද්‍රය
හතර කේන්ද්‍රය

[ratings]

ජන්ම කේන්ද්‍රයක භාවගත ග්‍රහ බලය රාශි අනුවද සලකා බැලීමෙන් එම ජන්මියාට හිමිවන සුබ ඵල ප්‍රකාශ කළ හැකිය. ලග්න භාවයෙන් ළමා කාලය, ශරීර සනීපය, ගතිගුණ සහ පෞද්ගලික දේපළ හිමිවීම පිළිබඳ සුබ ඵලද දෙවෙනි භාවයේ සිට දොළොස්‌වෙනි භාවය දක්‌වා පිහිටා ඇති ග්‍රහයන්ගේන් භාවාධිපතියන්ගේත්a උච්ච, මිතුරු, සම සුබ ස්‌වභාවය අනුව එම භාවයන්ට හිමි කරුණු පිළිබඳ සුබ ඵලද ප්‍රකාශ වෙයි.

ළමා කාලය යහපත් වීම සඳහා සැපවත් මව්පියන්, ගුණවත් සහෝදරයන් උරුම විය යුතුය. අංගවිකල නොවූ රූ සපුවක්‌ මෙන්ම නිරවුල් මානසික තත්ත්වයක්‌ හිමිවිය යුතුය. ඒ සඳහා ජන්ම වේලාව අනුව හිමිවූ ලග්න භාවයෙහි ශුභ ග්‍රහයන් හෝ ලග්නාධිපති ග්‍රහයයාගේ සුබ, මිතුරු, සම භාවයය මෙන්ම 4 වැනි 10 වැනි සහ 5 වැනි භාව අධිපතියන්ගේත් එම භාවයන්හි ඇති සුබ ග්‍රහයන්ගේත් බලය වැදගත් වෙයි. මේවායින් වඩා බලවත් වන ග්‍රහ පිහිටීම අනුව ඵල ප්‍රකාශ කළ යුතු අතර එම ග්‍රහයන්ට දෘෂ්ඨි ලැබෙන ග්‍රහයන්ගේ ස්‌වභාවයද සැළකිල්ලට ගත යුතුය. ලග්නගත ග්‍රහයන්ගේ සහ සඳුÊග්‍රහයාගේ පිහිටීම අනුව ගතිගුණද හතරවැනි භාවගත ග්‍රහයන්ගේ සහ භාවාධිපති ග්‍රහයාගේත් ශාස්‌ත්‍රයට අධිපති ගුරු ග්‍රහයාගේත් බලපෑම අනුව ඉගෙනීම පිළිබඳවද ඵල ප්‍රකාශ කළ හැකිය. පෞද්ගලික දේපළ නිදහස්‌ව හිමිවීමේත් යහපත් ලෙස හැසිරවීමේත් හැකියාව දෙවැනි, පස්‌වැනි සහ නවවැනි භාවගත ග්‍රහ පිහිටීම් සහ ධනකාරකයා වන ගුරු ග්‍රහයාගේ බලය අනුව හිමිවේ. ගුණවත් සහෝදරයන් ලබන්න නම් තුන්වැනි භාවගත ග්‍රහයන්ද අඟහරු ග්‍රහයාද සුබ ලෙස පිහිටා තිබිය යුතුය. එකොළොස්‌ වන භාවය සුබ වීමෙන් වැඩිමල් සහෝදරයන් සහ අවවාද අනුශාසනා ලැබිය හැකි කල්‍යාණ මිත්‍රයන් හිමිවේ.

ශරීර ස්‌වභාවය විමසීමේදී පළමුවැනි භාවයෙන් ප්‍රකාශ කළ හැකිව ඇත්තේ හිසේ සිට බෙල්ල දක්‌වා තත්ත්වය පමණි. දෙවැනි භාවයේ සිට දොළොස්‌වැනි භාවය දක්‌වා ඇති ග්‍රහයින්ගේ ස්‌වභාවය සහ භාවාධිපතියන්ගේ පිහිටීම අනුව සෙසු ඉන්ද්‍රියයන්ගේ ස්‌වභාවය ප්‍රකාශ කළ යුතුය. භාව, රාශි, දෙර්කාණ. රාශිවලට අයත් බාහිර සහ අභ්‍යන්තර ඉන්ද්‍රියන්ගේ ස්‌වභාවයද ග්‍රහ පිහිටීමේ ස්‌වභාවය අනුව තීරණය වෙයි. ඒ පිළිබඳව විස්‌තර කිරීමෙන් ලිපියේ අර්ථය වෙනස්‌ වන නිසා පසුවට විස්‌තර කරමි.

ශරීර ස්‌වභාවය ප්‍රසන්න වීමට පළමුවැනි භාවයේ සිට දොළොස්‌වැනි භාවය දක්‌වා සෞම්‍ය ග්‍රහ පිහිටීම් තිබීමත් භාවාධිපති ග්‍රහයන් සුබ ලෙස ස්‌ථානගතවීමත් හේතු වෙයි. ප්‍රියමනාප රූප සම්පත්තිය උරුම වන්නේ පුණ්‍යවන්ත උපතක්‌ හිමිවන අයට පමණි. පුණ්‍යවන්ත උපතක්‌ හිමිවීම යනුවෙන් අදහස්‌ කරන්නේ පූර්වය භාවයන්හි කරන ලද යහපත් කර්ම විපාක හේතුවෙන් සුබ ග්‍රහයෝග උදාවූ වේලාවකදී සැපවත් මව්පියන් අතර උපත ලැබීමයි. විශේෂයෙන් සඳු, ගුරු, සිකුරු ග්‍රහයින් උච්ච, මිතුරු, සම රාශිගතව පිහිටීමත් රවි ග්‍රහයා මිතුරු, සම ස්‌වභාවයෙන් පිහිටීමත් භාවගතවීමේදී යහපත්වීමත් පාප ග්‍රහයන් සාමාන්‍ය බලයෙන් යුක්‌තව පිහිටීමත් මෙවැනි ජන්ම ලාභයක්‌ උරුම වීමට හේතුවෙයි.

රවි ග්‍රහයා ශුභවීමෙන් ගරු මුහුමන් ලැබිය හැකි පාලන ක්‌ෂේත්‍රයේ දක්‌ෂතා ඇති බුද්ධිමත් තේජවන්ත අවවාද අනුශාසනා පිළිගන්නා සන්සුන් ගතියෙන් යුක්‌ත උදාර ගුණ ඇති පොරොන්දු ඉෂ්ඨ කරන ආත්ම විශ්වාසයෙන් යුක්‌ත පැහැදිලි කතා විලාසයක්‌ උරුම වෙයි. සඳු ග්‍රහයා උච්ච මිත්‍ර ස්‌වෂේත්‍ර ස්‌වභාවයෙන් භාව රාශි ගත වූ විට සන්සුන්ව කල්පනා කිරීමේ ශක්‌තිය ඇති විනෝදයටත් සැපයටත් කැමැති සියලු දෙනාගේ ප්‍රසාදය හිමිවන ඉගෙනීමට කැමැත්තක්‌ දක්‌වන හාවකුසේ චංචල වන චිත්ත ස්‌වභාවයද කුජ ග්‍රහයා සූබ වීමෙන් දක්‌ෂතා ප්‍රදර්ශනය කිරීමට ආශා ඇති නිර්භීතව කටයුතු කරන තරගවලින් සහ යුද්ධාදී ගැටුම්වලින් ජය ලැබීමට හෝ විරුද්ධ පාර්ශ්වය දැඩි ලෙස මර්දනය කිරීමෙහි යුහුසුළු වන හදිසි අවස්‌ථාවන්හිදී ස්‌ථානෝචිත පියවර ගැනීමේ දක්‌ෂතාවද උරුම වෙයි. සුබ පළ උදා කරමින් භාව රාශි ගත වන බුධ ග්‍රහයා ක්‍රීඩාවට නර්තනයට මෙන්ම ශිල්ප ශාස්‌ත්‍රයන්හි දක්‌ෂතා ඇති කල්පනාකාරී වූත් බුද්ධිමත් වූත් ගති සහ සංවාදශීලී වීමද ගුරු (බ්‍රහස්‌පති) ග්‍රහයා සුබ වීමෙන් යුක්‌ති ගරුක උගත් නැණවත් බව උරුම වන සියලු දෙනාගේ ගරු බුහුමන් හිමිවන වාසනා ගුණ උරුම වෙයි. යහපත් ලෙස පිහිටි ග්‍රහයන්ගේ ස්‌වභාවය අනුව ශරීර ලක්‌ෂණ උරුම වන ආකාරය අත්දැකීම් සහ ශාස්‌ත්‍ර ඥනය ලැබීමෙන් සනාථ කරගත හැකි වෙයි.

ජන්ම කේන්ද්‍රයක භාව රාශි ගතවන ග්‍රහයින්ගේ උච්ච, මිතුරු, සම භාව බලය අනුව කාරුණික ගතියත් අන් අය විඳින සැපය දැක සතුටු වීමේ මුදිතා ගුණයත් නිසා ප්‍රියමනාප රූපයක්‌ ලබා ප්‍රසාදයට පත්වීමේ වාසනාව උදාවෙයි. නිරෝගී වීමට හේතුවද එයම වෙයි.

පවුලේ අය අතර අෙන්‍යාන්‍ය සහයෝගයෙන් ආරම්භ වන මුදිතා ගුණය පොදු සමාජ සේවාවන් දක්‌වාද රාජ්‍ය බලය හිමිවීමේ වාසනා ගුණය දක්‌වාද වර්ධනය වෙයි. රාජ්‍ය පාලකයන් වීමේදී සියලු දෙනා පිළිගන්නා අයෙක්‌ මෙන්ම කුලගර්වයෙන්ද අනූන විය යුතුය. එබඳුÊතත්ත්වයක්‌ උරුම වන්නේ පෙර භවයන්හි නිහතමානී ගුණයෙන් යුක්‌තවීමේ බලය නිසාය. එය ධර්මානුකූලව මෙන්ම අත්දැකීම් අනුව සනාථ වන සත්‍යයකි. සියලු දෙනාගේ පිළිගැනීමට ලක්‌වීම සැපයකි. සැප සම්පත් විඳීමේ වාසනාව උදාවන්නේ පූර්ව භවයන්හි මෙන්ම වර්තමානයේද වැඳිය යුතු අයට වැඳීමේත් ගරු කළයුත්තන්ට ගරු කිරීමේත් නැණවතුන්ගේ උපදෙස්‌ පිළිගැනීමේත් කල්‍යාණ මිත්‍රයන් ඇසුරු කිරීමේත් ගුණ මහිමය හේතුවෙනි.

පවුල් ජීවිතය සමාජ සම්බන්ධතා මෙන්ම රාජ්‍ය පාලනය සාර්ථක වීමට අති විශාල ධන සම්භාරයක්‌ උරුමවිය යුතුය. ජ්‍යෙdතිෂ්ශාස්‌ත්‍රාණුකූලව සම්පත් උරුමවීම ලෙස සළකන මේ තත්ත්වය පූර්ව භවයන්හිදී දැහැමිව ධනය උපයාගෙන දානාදී පින්කම් වල නිරතවීමේ කුසල බලය ප්‍රබල වීමෙන් උදාවෙයි. එසේම පාලනයෙහි දක්‌ෂතාව දැහැමි බව නිසා උදාවන යහඵල සෙසු අයට ලබාදීමට නම් පාලකයා හෙවත් සම්පත්ලාභියා නිරෝගීව වාසය කළ යුතුය. ආයුෂ බල හිමිවිය යුතුය. අපේක්‌ෂාවන් ඉටුකිරීම සඳහා ආයු බල සැප වර්ධන වන්නේ කරුණා මෛත්‍රී ගුණයෙන් යුක්‌තව පාප ක්‍රියාවලට ඇළුම් නොකිරීමේ උදාර චරිතවත් ලක්‌ෂණ හේතුවෙන් බව ධර්මානුකූලව මෙන්ම අත්දැකීම් අනුව අවබෝධ කරගත හැකිය. සෞම්‍ය වූ ග්‍රහයෝග සහ රාජ්‍ය යෝග සහිත දුර්වල පාප ග්‍රහයෝග සහිත උපත ලැබීමේ භාග්‍යය උදාවන බව ජ්‍යෙdතිෂ්ශාස්‌ත්‍රාණුකූලව පිළිගනු ලබන්නේද මේ තත්ත්වයයිs.

උච්චව මිතුරු සම සුබ වූ ග්‍රහ බලය

සැපත දෙන සේම දොa සතරේ බලය

පෙන්නා පෙර බවයෙ දම්ගුණ සත් බලය

කදිමට දෙවනයුරු බල උපතේ බලය

We found this article from Divaina on 2011/11/25.
Also Sinhala to English Google word to word translation can be found here