සතුන් කියන අනාවැකි

2910
කපුටා
කපුටා

[ratings]

මෙහිදී ප්‍රධානම අනාවැකි පවසන්නේ අප ළඟම සිටින සත්ත්වයන්ය. එනම් කපුටා, සුනඛයා, සූනා, වේයා, කූඹියා වැනි අප අවට සිටින සතුන්ය. මේ ගැන අනාදිමත් කාලයක සිට බොහෝ අය පරීක්‍ෂණය කිරීමෙන් අනතුරුව කළ නිගමනයන් ඇත.

මුලින්ම කපුටා ගැන සොයා බැලීම වටී. මෙයට විශේෂ හේතුව වන්නේ කපුටා ජීවිත කාලයටම එක කපුටු බිරිඳක හෝ ස්‌වාමියකු පමණක්‌ ඇසුරු කරන නිසාය. එසේ එක්‌ කපුටෙක්‌ මිය ගිය හොත් අනෙක්‌ කපුටා ඉදිරිකාලය තනිවම ගෙවයි.

හේතුවක්‌ නැතිව කපුටු සමූහයක්‌ ගම මැඳට පැමිණ කෑගැසුව හොත් එම ගමට දුර්භික්‍ෂයක්‌ ඇති වනු ඇත. කාක්‌කන් සමූහයක්‌ ගමට පියඹා ගියහොත් එම ගමේ කලකෝලහල ඇතිවනු ඇත. එනම් මහ විපත් ඇතිවේ. කපුටා මිනිසුන්ට කොටයිද එවිට එම පුද්ගලයාට සතුරු බය ඇති වෙයි. එසේම සතුරන් ඇතිවනු ලැබේ.

ගමනක්‌ පිටත් වන විටදී කපුටා ඔහුගේ ඉදිරියට පැමිණ හොට උඩට උසවා තටු ගසමින් හැසිරුන හොත් ගමනේදී අනතුරු සහ බිය ගෙනදේ. එසේම කපුටා නිවසකින් සොරෙන් කෑම ගැනීමෙන් එම නිවසට ආර්ථික අපහසුතා ඇතිවේ. එම කපුටා තද කළු පැහැ නම් නිවසට සොර සතුරු භය ඇතිවේ.

කපුටෙක්‌ යමෙකුගේ ඇඳට අළු සත්ත්ව ඇටකටු, හිසකෙස්‌, කොළරොඩු දැමීනම් ආසනය අහිමි වීමට, මරණය වැනි කාරණා සිදුවේ. එම ඇඳට මල් හෝ මල් පෙති දැමී නම් ඒම ඡන්මියාට පුත්‍ර ලාභයකි. තණ හෝ කෝටු කැබලි දැමීනම් දුවක්‌ ලැබේ. කපුටෙක්‌ වාහනයකට හෝ ආයුධයකට එසේත් නැතිනම් පාවහන් වලටද කුඩයකටද එසේ හෝ මිනිසකුට පහර දෙයිද ඒ පුද්ගලයාට අනතුරු ඇති වේ. එසේම මරණය පවා සිදුවිය හැකිය. කපුටා යම් පුද්ගලයකුට යමක්‌ ගෙනැවිත් දේද ඔහුට ගෞරව ලැබේ. ඇඟට වසුරු දැම්මේද ආහාර ලැබේ.

යම් කපුටෙක්‌ යමෙකු ළඟට කහ පාට යමක්‌ ගෙන දේනම් ස්‌වර්ණලාභයක්‌ ඇතිවේ. එසේම කහ පැහැයමක්‌ ගෙනගිය හොත් ස්‌වර්ණ නැතිවීමක්‌ වේ. කපු හෝ පුළුන් ගෙන ගිය හොත් වස්‌ත්‍ර නැතිවේ. ගෙන ආවොත් වස්‌ත්‍ර ලැබේ. සුදු වර්ණ යමක්‌ ගෙන ආවොත් රිදී ලැබෙනු ඇත. එසේම සුදු වර්ණ යමක්‌ ගෙන ගියොත් රිදී නැතිවෙනු ඇත. කපුටෙක්‌ රතු හෝ වියළි තණපත් හෝ වියළි දඬු පිළිස්‌සුන දෙයක්‌ හෝ ගෙට ගෙනවිත් දමයිද එම නිවසට ගිනි බය ඇතිවේ.

නැගෙනහිර දිශාව බලා කපුටෙක්‌ හැඬුවේනම් රාජපුරුෂයන්ද, මිත්‍රයන් හෝ රත්‍රන්ද රසවත් ආහාරද ලැබේ.

ගමන් යන විටදී ගමන් යන්නාගේ දකුණේ සිට වමට පියාසර කර පසුව වමෙහි සිට කෑගැසූකළ ගමනක්‌ ඔහුට ධනලාභ සහ වාසි අත්වේ.

ගමනක්‌ යන අයකුගේ වම් පස සිට නිතර කෑගසමින් එම දෙසට පියඔසවයිද ගමන සාර්ථක වන අතර ධනය වර්ධනය වේ.

කපුටෙක්‌ වම් පස සිට කෑගසා දකුණට පියාසර කරයිද ඔහුගේ ගමනට බාදා ඇතිවේ.ගමන් කරන විටදී වමේ සහ දකුණේ යන දෙපසේ කපුටා නාද කරයිද අභිමතාර්ථ සිදුවේ.

යම් ඉඩමක මල් හෝ ඵල දරන ගසක එසේම නැති නම් මිහිරි සුවඳ ගමන ගසක හෝ කිරි ගසක හෝ තුවාල සිදුරු නැති ගසක කපුටෝ කූඩු සාදා වාසය කරයිද එම ගෘහ වාසියාගේ අභිවෘද්ධිය වේ.

This is a Google word to word translation of Divaina