සිහිනෙන් දකින මිනී මැරුමෙන් අලුත් ජීවිතයක්‌

2026
සිහින
සිහින

[ratings]

ඝාතනයක්‌ සිදුවන බව ඔබ සිහිනයෙන් දකීනම් එහි තේරුම ඔබගේ ජීවිතය නැවත අලුත් වන බවයි. එනම් නැවත ඉපදීමක්‌ ලෙසද හඳුන්වයි. මෙය හොඳ සිහිනයකි. ජීවිතයට අලුත් ආරම්භයක්‌ ලබා ගැනීම සඳහා ඔබට හොඳ ධෛර්යයක්‌ තිබිය යුතුය. එසේ ධෛර්යවන්ත නොවන්නේ නම් මෙම තත්ත්වය නරක අතට හැරීමටද ඉඩ ඇත. ඔබ දැන් කළ යුත්තේ ලැබූ අවස්‌ථාවෙන් ප්‍රයෝජන ගැනීමට අධිෂ්ඨාන කර ගැනීමයි. ඒ නිසා ලද අවස්‌ථාවෙන් ප්‍රයෝජනය ගන්න.

සිප ගැනීමක්‌

යම් කිසි අයකු ඔබව සිහිනයෙන් සිප ගත්තාද? ඒ සිහිනයේදී නම් ඔබ සතුටට පත්වනු නොඅනුමානය. හැබැයි සිහිනයෙන් අවදිවී යථාර්ථය තේරුම් ගන්න. මන්ද ඔබ දුටුවේ ඔබේ සිතේ තිබූ හැඟීමක්‌ වන්නටද පුළුවන. ඒ නිසා ඔබගේ හැඟීම් පිළිබඳ සැලකිලිමත් වන්න. හැඟීම් වලට වහල් නොවන්න. එසේ සිදුවුවහොත් ඔබ අනිසි සම්බන්ධතාවල පැටලීමට ඉඩ ඇත. එම නිසා ඔබගේ දිවිය අවුල්වන්නටත් පුළුවන.

කඳුවැටියක්‌

කඳුවැටියක්‌ නැගීමක්‌ හෝ කඳුවැටි තරණය කිරීමක්‌ සිහිනයෙන් දුටුවානම් එයින් සංකේතවත් වන්නේ ඉදිරියේදී මුහුණදීමට වන ප්‍රශ්නයක්‌ හෝ නැතිනම් නව ව්‍යාපෘතියක පෙර මඟ සනිටුහන් කිරීමකි.

ඔබ එම කඳු මුදුනටම සේන්දු වූවානම් ඔබට ප්‍රශ්නවලට විසඳුමක්‌ හෝ ව්‍යාපෘතිවල සාර්ථකත්වයක්‌ ලැබෙන බව ඉඟි කරයි. කඳු මගින් කියෑවෙන තවත් අවස්‌ථාවක්‌ වන්නේ ඔබේ ජීවිතයේදී මුහුණදීමට සිදුවන බාධක පිළිබඳවයි. එම නිසා ඉදිරියේදී ඇතිවිය හැකි අභියෝගාත්මක තත්ත්වයන්ට මුහුණදීමට ඔබ පෙර සූදානමින් සිටින්න. සාමාන්‍ය ජීවිතයේදී පවා සියල්ලන්ටම කඳු මුදුනටම නැග ගත නොහැක. මෙම කන්ද තරණය කිරීම පවතින්නෙත් ඔබගේ උනන්දුව උත්සාහය සහ අධිෂ්ඨානය මතයි. ඒ පිළිබඳව ඔබ දක්‌වන ප්‍රතිචාර මතයි.

මල්

මල් යනු විසිතුරු බවේ සංකේතයකි. සැබෑ ජීවිතයේදී අපට මානසික සුවය ගෙන දෙන්නකි. මල්වලට ආදරය කිරීම මල් වැවීම, මල් පරිහරණය අප කා අතරත් ඇති පොදු ලක්‍ෂණයකි. ඔබ සිහිනෙන් දුටුවෙත් මල් නම් ඔබගේ ජීවිතයට ප්‍රීතිය ගෙන එන යමක්‌ ළඟදීම ඔබට උරුම බව මෙමගින් කියවේ.

ආහාර

ඔබ ඔබගේ ජීවිතය පිළිබඳ තෘප්තියක්‌ නොමැති බව ආහාර සිහිනෙන් දැකීමෙන් පෙන්නුම් කරයි. ඔබගේ ජීවිතයට යම් කිසි දෙයක්‌ අහිමි වී ඇති බවද හඟවයි. රසවත් කෑම නැවත නැවතත් අඛණ්‌ඩව සිහිනයෙන් දකියි නම් ඔබගේ අවධානය යොමු කළ යුතු කරුණක්‌ ඇත. ඒ මේ මොහොතේ ඔබ වඩාත්ම ආශා කරන කෑම මොනවද යන්න නිගමනය කරන්න. එය ඔබට හොඳ රස කෑම වේලක්‌ වන්න පුළුවන්. දැන් වහාම දිනයක්‌ සහ වේලාවක්‌ වෙන්කරගෙන බඩ පුරා කන්න.

ගෙම්බන්

ගෙම්බන් හෙවත් මැඬියන්ව සිහිනෙන් දැකීම ඉතා හොඳ සලකුණකි. මෙමගින් නිරන්තරයෙන්ම හඟවන්නේ ඔබට හදිසි ධන වාසනාවක්‌ හිමිවෙන බවයි. ඔබ කිසි දිනක නොසිතූ මුදලක්‌ ළඟදීම ඔබ අතට පත්වේවි. රතු වවුලන් සිහිනෙන් දුටු විටත් ලැබෙන්නේ ඉහත ප්‍රතිලාභමයි. නමුත් ඔබ ගෙම්බන් හෙවත් මැඬියන් සිහිනෙන් දැකිය යුත්තේ උන් කොළ පැහැයෙන් සිටින විටයි. වෙනත් වර්ණවලින් දැකීම සුබදායක නැත.

අංශභාගය

ඔබගේ ශරීරයේ පැත්තක්‌ අප්‍රාණිකවීම හෝ අංශභාගය වැළඳුණු රෝගියෙක්‌ සිහිනෙන් දැකීම සුබ නැත. අප්‍රාණිකත්වය සහ ලිංගික දුර්වලතා ඇති වේ. තවද ඔබට කොපමණ මිතුරන් හිතවතුන් හෝ ඥතීන් සිටියත් කිසිදු අයෙකුගෙන් අවශ්‍ය වේලාවට උදව් උපකාර නොලැබීමද මෙමගින් සංකේතවත් කරයි.

නිරුවත

තමන් නිරුවතින් සිටින ආකාරය ඔබ සිහිනයෙන් දුටුවොත් එහි තේරුම “ඔබ සතුව රහසක්‌ පවතින බවයි.” ඒ රහස හෙළිවනවාට ඔබ බියෙන් පසුවන බවයි. ඔබ සිහිනයෙන් දුටුවේ වෙනත් අයෙක්‌ නිරුවතින් සිටින බව නම් එහි අර්ථය වන්නේ “ඔබගේ නොවන මුත් ඔබ දන්නා හඳුනන අයෙකුගේ රහසක්‌ ඔබ වසන්කර සිටින බවයි.”

We found this article from
Divaina
Also Sinhala to English Google word to word translation

can be found here