කවා ඇති ඉනා වශී ගලවන්නේ මෙහෙමයි

2935
වශී
වශී

මන්ත්‍ර ශාස්‌ත්‍රයට අයත් කර්ම අටක්‌ ඇත. ඉන් එකක්‌ වශී කර්මයයි. වශී කර්මය යනු යම් අයකු තවත් අයකුගේ හිත තමාගේ බහට කීකරු කර නවා ගැනීමට වසඟයට පත් කර ගැනීමට කරන මන්ත්‍ර ගුරුකම් ය. මේවා පුරාණයේ සිටම පැවතගෙන එන්නේය. මේවා කිරීමට උපයෝගී කරගන්නේ ඇඟිලිවලින් ලේ, නිය, කුණු, දහඩිය, හිසකෙස්‌, රහසඟ කෙස්‌, කිහිලි රෝම, දත් මැලියම්, කෙළ ආදිය ද මුත්‍රා දියරේ ලුණු සිඳ, ඔසප් වීමේදී පිටවන ඕජය ආදිය ගෙන තවත් ඖෂධ වර්ගයක්‌a නැතිනම් පැණිරස දෙයක්‌ සමග මිශ්‍ර කර රහසින් කෑමට දීමය. මේවා නිකම්ම දීමත් නොකරයි.

ඉන්පසු පුද සහිත මල් තටු තනා මෝහිනි, මදන යකා, කාලී මදන ගිරි යක්‍ෂණියන් හත්දෙනා, රති මදන, ඉනා මදන, මල් මදන, තොටයක්‌ මදන, අවර මදන, ගිනි මදන ආදී යක්‍ෂ යක්‍ෂණින් ගේ දිෂ්ඨිය ද බන්ධන කර හිර කිරීමෙන්ය. ඒ නිසා මෙය කැවුණු අයකුට යක්‍ෂ දිෂ්ඨිය බැඳී ඔහුගේ හිත ඇය කරා හෝ පිරිමි අයකු කරා හෝ බැඳී ඔහු නොබලාම ඉන්න තරම් බැරිව පිස්‌සකු මෙන් ක්‍රියා කරයි. එවැනි දෙයට ගැමියන් හෝ කවුරුත් කියන්නේ ඉනාවක්‌ දීලා නැතහොත් වශියක්‌ දීලා කියාය.

මෙවන් වශී කර්ම රාශියක්‌ කාව්‍යයෙන් රචනා කොට වශී මාත්‍ර කාණ්‌ඩයේ මෙසේ සඳහන් කොට ඇත.

මත්ත මාන ජනක කටුක අමුක්‌කරා ජලද රැගෙන

ගත්ත ලෙසට ගි්‍රංගි කටුක පුෂ්ඵ කපුරු දෙබරක්‌ ගෙන

සික්‌වූ ලෙසට ඇඟේ ලෙයින් අඹරා බුලතට යොද මින

සත්ත ලෙසට කතුන් ඉනා කර දෙන ගුලියකි ජයගෙන

සුරතල් බස්‌ මියුරු බසින් කීවත් නාසා එනවා

කුළුඳුල් තන කිරෙන් යොද බුලතේ ගාලා දෙනවා

යමගල් දොර පලමින්වත් ගිය රටකට උන් එනවා

සැමකල් දිවි තිබෙන තුරා ඒ ආලේ නෑරෙනවා

දුම්මල තෙල්වලින් අනා ගැසුවොත් ළමැදේ වැදෙන්ට

අම්මට දරුවා ආලේ විලස සෙනේවේලු උන්ට

කම්පල නැති අන් බසකට එපා බේත් බඩට දෙන්ට

මින් ගුලියක්‌ බඩට දුන්නොත් බැරිවෙයි ආලේ අරින්ට

කපුටු දිව සහ කොට්‌ට මැලියන්ද සොඳ

කිරිදි සියත් ඒවා ගනිමින් කොටිකා ද

අඹරා අව්වේ වියළා තබා සොඳ

දුන්නොත් පහස දෙන්නේ ඔහු වැඳ වැඳ

පතුකු එළවරා රත් නිවිති මුල ගෙන

මඳක්‌ සඳුන් අට සම බාගෙ ගෙන

උදක්‌ යටලු මැලියන් බින්දු ගෙන

හුඟාක්‌ දවස්‌ මැරුවත් වෙන් නොවේ දැන

නයිපෙණ ගොඩ කදුරු තුන් බෝ පොතු රැගෙන

කිරිඳි අවුසදත් එහි රන් තැඹිලි ගෙන

රඹුක්‌ ඉස්‌ම පිනි දුම්මැලියන්ද ගෙන

අඹරා දුනොත් එයි දහසක්‌ යොදුන් පැන

එල බින්තඹුරු පුස්‌කර බෙලි සොරස ගෙන

යව ඇට පඩවැල්ද ශිලාජතු සම ගින

දුන්නොත් ගුලිය අඹරා ලේ සම ගින

මුහුදෙන් එතෙර හිටියත් එනවට සිකුරු

එමෙන්ම තනිපාට ගව දෙනගේ ගිතෙල් අටෝ රාශියක්‌ ජප කර තැන්පත් ස්‌ථානයක පැදුර එලා යටිපල්ලේ නම ලියා පස්‌ පැඟිරෙන් රත්කරනු එවෙලෙහිම එයි. මේවාටද මන්ත්‍ර ඇත. (ඒවා පළ නොකරමි පළිගැනීමට කරන නිසා).

එවන් ඉනා වශී ගුලියක්‌ ඔබේ ශරීරගතව වසක්‌ මෙන්ම විෂක්‌ බවට පත්ව ඇත්නම් එය ඉංගී්‍රසි වෛද්‍ය ක්‍රමය අනුව හෝ ඇක්‌ස්‌රේ මගින් නොපෙනේ. සිංහල ආයුර්වේද වෛද්‍යවරයකුගේ හෝ ගුප්තවේදියකුගේ පිහිට පැතිය යුතු බව සෘජුවම කියමි.

එවැනි ඉනාවක්‌ කැවී ශරීර ගතව ඇත්නම් මෙම වින නාස්‌ති හත මංත්‍රයෙන් එක නැට්‌ටේ දෙහි තුනක්‌ ගෙන මෙම බෙහෙත් වර්ග අඹරා තැඹිලි ගෙඩිය තුළ දමා හිරු පායන්ට පෙර උදේ හිස්‌බඩ බොන්න ශරීරයේ කැවී ඇති සියලුම වස විස ගැලවී යන්නේ එහි ඇති යක්‍ෂ බන්ධන පුපුරා ගොස්‌ කුඩු බවට පත්ව නයකු සැව ඇරියාක්‌ මෙන්ය. එම රහස්‌ බෙහෙත මෙසේය. නිවිතිය මුල්. මුරුංගා මුල්, බෙලි මුල්, පැපොල් මුල්, සුදු කටරොළු මුල්, මුඛ මහන මුල්, රතු තම්පලා මුල්, වල්තිප්පිලි මුල්, සුදු රතු හඳුන් කලං හය බැගින් ගෙන සිනිඳුවට අඹරා ඉර බසින වේලාවට තැඹිලි ගෙඩියට දමා වසා පසුදින ඉර උදාවීම බලා හිස්‌ බඩ බොන්න. ඉනා ගුලිය දියවී ශරීරයෙන් බැහැර යන්නේ නයකු සැව ඇරියාක්‌ මෙන්ය. (සත්තයි) යක්‍ෂ බැල්ම පහව යයි (අත්දුටුවයි.)

ඒ රහස්‌ මන්ත්‍රය මෙසේය. ඕං ශ්‍රීකාර වෙරෙම්බු ශිව ශක්‍ර මුඩියාල් හරහර මුප්පොදු ඉරින්දු කෛනාග පිල්ලි පේසුම් මුත්තෝ මුරිපත්තු සින ඕඩු වන්ද සිව යානේ යං යං පෙරියාලේ වින නාස්‌ති හේ නාස්‌ති හෝ නාස්‌ති සිකාවන්ද්‍ර කායං යං හර වීර භද්‍රd හරවීර වෛවාම් ඉක්‍ෂිවාම් යම් පත්තු කන්ද නාද පිල්ලි සූනියම් විස නහිසූර් නහි – සිවන්දනේ කට්‌ටු වෛකාරුඤ්ඤමුරි මරිත්තු පොදි යෙක්‌කා අරහං උරිංතික්‌ කට්‌ටු වේ නාස්‌ති – විසනාස්‌ති – හේපිල පිල මොරොන්දුනේ උන්නයි වාරුනෙන් සඨා සඨා සුයH_යානේ විස නිහිරේ නිහි.

යක්‍ෂයා රකූට යාම් පොරොන්දු යා යා කාල වෛර විවා වේද නම් කපිල තෝංගු කන්දප්පා හයි වින නාස්‌ති හෝ නාස්‌ති එරියා පඩිං තෙරියා පඩිං පාදි නාද තිප්පුඡ්පු මේ ස්‌වර වඃ – කJදප්පා සර්ව වින නාස්‌ති හේ නාස්‌ති හේ හයි නාස්‌ති එරිඩ් පාදං තෙරිඩ් පාදං නිල ආකාශ ගුරු දේස්‌ හරහර ඉසික්‌කු නීල්ලුම් සර්ව වින නහිරේ නහි කන්දප්පා වින නහී….

(324 ජප කරන්න) සියලු විසට යහපති.

We found this article from Divaina on 2012/11/23.
Also Sinhala to English Google word to word translation can be found here