[ratings]
ජනප්‍රිය කලාකරුවෙකුට විපතක්‌
මැති ඇමැතිවරුන්ට දෝෂාරෝපණ
බෝවන රෝග තදින් පැතිරෙයි
ග්‍රහලොව සුකුමලිය සුන්දරිය මනාලිය ලෙස ජ්‍යෙdතිෂ්‍ය ළැදියන් අතර නමක්‌ දිනා ඇති සිකුරු ග්‍රහයා පස්‌වන සඳුදා උදේ 9.53 ට රවි හිමි සිංහ රාශියට ප්‍රවිෂ්ට වීම සිදුවේ. මේ අවස්‌ථාවේ සිංහ ලග්නයත් රේවතී නැකැත එහි තෙවන පාදයත් උදාව පවතී.
සිකුරුගේ සිංහ රාශි ගමන සිදුවන අවස්‌ථාවේ ශ්‍රී ලංකා කුම්භ ලග්න කේන්ද්‍රයේ ග්‍රහ පිහිටීම මෙසේ දිස්‌වේ. ලග්නය කුම්භ ලග්නයේ නැප්චූන් දෙවැන්නේ සඳු ගුරු යුරේනස්‌ පස්‌ වැන්නේ රවි කේතු හය වැන්නේ බුධ හත් වැන්නේ සිකුරු කුජ අට වැන්නේ ශනි එකොළොස්‌ වැන්නේ රාහු ගමන් ගනී.
සිකුරු කුජ සමඟ සංයෝග වීමත් සමඟ සමාජය තුළ කැලඹෙන කටකථා නිතර පැතිර යන තත්ත්වයක්‌ ඇතිවේ. කුජ සිකුරු සමඟ බුධත් හය වැනිදා සිට එක්‌ වීමෙන් මේ තත්ත්වය තවත් උග්‍ර අතට පත්වේ. සමාජය පාලනය කරගත නොහැකි තත්ත්ව ඇතිවේ. දේශපාලනයට සම්බන්ධ කාන්තාවන්ට හා පරිපාලනයේ නියුතු කතුන්ට බරපතල ගැටලු වලට මුහුණ දීමට සිදුවේ. බරපතල අන්දමේ මංකොල්ල, ස්‌ත්‍රී දූෂණ වංචා, ගැන නිතර අසන්න ලැබේවි. ස්‌ත්‍රී පක්‍ෂයට කිසිසේත්ම යහපත් කාලයක්‌ නොවනු ඇත. කුඩා දරුවන් ඇස මෙන් රැකබලා ගැනීමට සිදුවේවි.
හදිසි අනතුරු බහුල වේවි. ජලයේ අනතුරු විශාල වශයෙන් අසන්න ලැබේවි. ධීවර යාත්‍රා බෝට්‌ටු නැව් ආදියට ස්‌වභාවික හේතු නිසා අසීරුතා ඇතිවේ. ධීවරයන්ගේ ආරක්‍ෂාව ගැන සිතන්න වේවි. රෙදිපිළි ගබඩා සාප්පු ආදියට ගින්නෙන් අනතුරු පවතී. ඒ සම්බන්ධ රැකියා අංශවල නිරත අයට රැකියාවේ අස්‌ථිර බවක්‌ ඇතිවෙයි. තානායම් නිවාඩු නිකේතනවල මොන අන්දමේ හෝ කරදර පීඩා හට ගනී.
අඹු සැමියන් අතර අසමගිය වර්ධනයවීම නිසා දික්‌කසාද උසාවි වෙත යොමුවන පිරිස්‌ වැඩිවෙයි. පවුල් අවුල් මුල්ව විපත් අනතුරු අසන්න ලැබේ. ප්‍රකට කලාකරුවකුට විපත් යෙදෙන කාලයකි.
එළවළු වගාවට කිරි ගොවියාට ආහාර නිෂ්පාදකයන්ට ඒවා පවත්වාගත යැමට බාධා හටගනී. බඩු මිල ඉහළ යැමෙන් පීඩා ඇතිවේ. ජනතා උද්ඝෝෂණ බහුල කාලයකි. සිසු අරගල වලට මුල පිරෙයි. මැති ඇමැතීන් දෝෂ දර්ශනයට ලක්‌වේ. අසා නැති රෝග ගැන අසන්න ලැබේවි. බෝවන රෝග තදින් පැතිරෙයි.
හදිසි තීරණ මත විවාහ වලට යොමුවේ. උපතේ සිකුරු බලවත් අයට රජයේ රැකියාවලට මග පෑදෙයි. කලා කටයුතු වල යම් ප්‍රගතියක්‌ ඇතිවේ. අධ්‍යාපන කටයුතු වල පෙරලියකට මුල පිරෙයි.
ශුභපලවලට වඩා අශුභපල බහුල සිකුරු මාරුව ඔබේ ලග්නයට බලපාන අයුරු දැන් විමසා බලමු.
මේෂ
පස්‌ වැන්නට සිකුරු පැමිණීම පෙම් සබදතා වලට වැඩිහිටි විරෝධ ඇතිවීමට හේතුවෙයි. දිගු කලක්‌ සැලසුම් කළ කටයුතු අවුල් සහගත තත්ත්ව ඇති කරයි. වෙනදා පැවැති උනන්දුව හීනවේ. උෂ්ණ රෝග මතුවිය හැක.
වෘෂභ
සිව් වැන්නට සිකුරු පැමිණීම දේපළ ගැටලු නීති ප්‍රශ්න බවට පත් වීමට හේතුවෙයි. ළඟ ඇසුර ඇති අය අමනාපයට හේතුවේ. හවුලේ වැඩට ඇත ගැසීමට සුදුසු කාලයක්‌ නොවේ. මවගේ අසනීප සුවවේ. ඔබට පපුවේ වේදනා.
මිථුන
තුන් වැන්නට සිකුරු පැමිණීම උත්සාහය උනන්දුව හීන කරයි. රැකියා ව්‍යාපාර ගැන පැවැති ආකල්ප වල වෙනසකට හේතුවෙයි. සහෝදර ප්‍රශ්නවලට මැදිවීමට සිදුවේ. විදේශ ගමන්වලට අවස්‌ථාව උදාවෙයි. අසනීප සුව අතට.
කටක
සිකුරු දෙවැන්නට පැමිණීම ආර්ථික වශයෙන් යම් යම් අසීරුතා ඇති කරයි. රැකියාවට ස්‌ථාන මාරු නිසා අප්‍රසන්න තත්ත්ව ඇතිවේ. පවුලට අලුත් සාමාජිකයන් එක්‌වෙයි. දරුපල අපේක්‍ෂා සඵල වේ. නොසිතු රෝග තත්ත්වවලට මූණදෙයි.
සිංහ
ලග්නයට සිකුරු පැමිණීම ශරීර සනීපයට අයහපත් තත්ත්වයක්‌ ඇතිවෙයි. බෝවන රෝග වලටත් ලක්‌වෙයි. අනියම් සබඳතා වලට යොමුවී අසීරුවට පත්වේ. මොන කරුණක්‌ නිසා හෝ ප්‍රසිද්ධියට පත්වෙයි. ඇස්‌ රෝග හට ගනී.
කන්‍යා
ලග්නයෙන් දොළොස්‌ වැන්නට සිකුරු පැමිණීම යුග දිවියේ ප්‍රශ්න ඇති කරයි. දරුවන්ගේ ප්‍රශ්න මුල්ව අඹුසැමි අවුල් හටගනී. විදේශ ගමන් වලදී බාධා ඇතිවෙයි. කේලම් නිසා හිතවත් අයත් අමනාප වෙයි. උදරාබාධ උග්‍රවිය හැක.
තුලා
ලග්නයෙන් 11 වැන්නට සිකුරු පැමිණීම ජීවන රටාවේ වෙනසකට මග පාදයි. අමතර මුදලක්‌ නොසිතු මගකින් හිමිවේ. සතුරන් පරදා ජය ලැබිය හැක. නඩුහබ වලදී අසීරුවට පත්වේ. පපුවේ රෝග තත්ත්වයන් උග්‍රවිය හැකිය.
වෘශ්චික
ලග්නයෙන් දස වැන්නට සිකුරු පැමිණීම රැකියාවේ තත්ත්වය පහත වැටීමට කරුණු කාරණා ඇති කරයි. අන් අය වෙනුවෙන් පෙනී සිටීමට යැමෙන් කරදර ඇතිවේ. අත්පාවල හන්දි අමාරු ඇති කරයි. අවිවේකී වේවි.
ධනු
ලග්නයෙන් නව වැන්නට සිකුරු පැමිණීම යම් දුරකට මංගල යෝජනා සඵල වීමට අවස්‌ථා උදා කරයි. විවිධ කටයුතු වලට පැවැති බාධා මඟ හැරෙයි. පිනට දහමට වැඩි නැඹුරුවක්‌ ඇතිවේ. මුත්‍රා පෙරීමේ දුර්වලතා ඇති කරයි.
මකර
ලග්නයෙන් අට වැන්නට සිකුරු පැමිණීම හදිසි අනතුරු වලට අත වනයි. සතුරන්ගේ උගුල් වලට අසුවිය හැක. ඇසුරු කරන අය අමනාප වෙයි. වියදම් බහුල වැඩ පැටලේවි. ලිංග ආශ්‍රිත රෝග බෝවිය හැක.
කුම්භ
ලග්නයෙන් හත් වැන්නට සිකුරු පැමිණීම මංගල යෝජනා ගැන පැවැති විශ්වාසය හීන වීමට කරුණක්‌ වෙයි. අඹු සැමි ප්‍රශ්න ඇතිවේ. හවුල් වැඩ අවුල් වීමට කරුණු යෙදෙයි. පොදු කටයුතු වලට උනන්දුව ඇතිවේ. වාත වේදනා.
මීන
ලග්නයෙන් හය වැන්නට සිකුරු පැමිණීම සතුරන් බලවත් වීමට හේතුවෙයි. වගකීම් පැහැර හැරීමෙන් අප්‍රසාදයට පත්වේ. දුර දිග බලා කටයුතු නොකිරීමෙන් අසීරුවට පත්වේ. මුදල් ලාභ අයුතු මඟින් හිමිවේ. හිසේ වේදනා.
We found this article from
Divaina
Also Sinhala to English Google word to word translation can be found at
https://www.kaladasava.com/planet-is-a-big-leap-venus-sikuru-leo/
