දණහිස පවසන ස්‌ත්‍රී රහස්‌

609
දණහිස
දණහිස

ස්‌ත්‍රීන්ගේ දණහිස පහසුවෙන් පිටතට නොපෙනෙන අංගයකි. එසේ වන්නේ අප රට ඉහළ සංස්‌කෘතියක්‌ පවතින රටක්‌ බැවිනි. නමුත් සුදු ජාතීන් වෙසෙන එංගලන්තය, ඇමරිකාව වැනි රටවල වෙසෙන ස්‌ත්‍රීන්ගේ නම් දණහිස පිටතට දෘෂ්‍යමාන වේ. දේහ ලක්‍ෂණ විද්‍යාව ජාති, ආගම්, කුල භේද අනුව වෙනස්‌ නොවේ. ඒ නිසා දණහිසින් පැවසෙන ගතිගුණ අධ්‍යයනය, කරන්නෙකුට එසේ අධ්‍යයනය කළ හැක. ස්‌ත්‍රී දණහිසේ ස්‌වභාවය, හැඩය, පිහිටීම ආදී කරුණු පදනම් කරගෙන ශුභ අශුභ ගතිගුණ ගණනාවක්‌ පුරාණ සෘෂිවරුන් විසින් පෙන්වා දී ඇත.

ඔබත් මෙම ලක්‍ෂණ හොඳින් අධ්‍යයනය කර මතක තබා ගන්න. එවිට ඔබටත් හොඳ ගුණයහපත් මිතුරියක්‌ බිරිඳක්‌ සොයා ගත හැක. දණහිස ගැන කියවුන සෘෂිවදන් පහත පරිදි වේ.

  1. දණහිස්‌ ඇටයේ දෙපස මසින් පිරී ඇත්නම්,

මෙවන් ස්‌ත්‍රීන් බොහෝ යස ඉසුරු ලැබී ධනයෙන් බලයෙන් බැබලෙන කෙනෙක්‌ වේ. නමුත් මොවුන්ට තරහකාරයන්, ඊර්ෂ්යා කාරයන්ගේ බලපෑම් බහුල වේ.

  1. දණහිසෙහි නහර හෝ අස්‌ථි පිටතට නෙරා නොයේ නම් (දණහිස මට්‌ටමට පවතී නම්)

මෙවන් ස්‌ත්‍රීන් හිතුදේ හරි වැරදි නොබලා කරන, ස්‌ථීර අදහස්‌ ඇති, දුරදිග නොබලා වැඩ කරන අයවේ. මොවුන්ගේ විවාහයද අසාර්ථක වේ. නමුත් මොන නරක සිදු වූවත් කිසිදිනක ඒ ගැන සිතා නොතැවෙන ස්‌ත්‍රීන්ය.

  1. ඇවිදින විට දණහිසෙන් ශබ්ද නැගේ නම්,

එවන් ස්‌ත්‍රීන් ඉතා කපටිය, අනුන්ව මුලාවේ දමයි, තවද මොවුන් නරක ඇසුරට යොමු වූ අයවේ. තම බලාපොරොත්තු සිතැඟි ඉටුකර ගැනීම සඳහා හැට හතර මායම පාවිච්චි කරන ස්‌ත්‍රීන් වේ.

  1. දකුණු දණහිසේ තඹ/ කළු පැහැ උපන් ලපයක්‌ ඇත්නම්,

මෙවන් ස්‌ත්‍රීන් බොහෝ ධනවත්, යස ඉසුරු ඇත්තියන් වේ. නමුත් මොවුන් උපයන ධනය හොඳ, නරක ක්‍රම දෙකෙන්ම උපයයි.

දණහිස
  1. වම් දණහිසේ තඹ/ කළු පැහැ උපන් ලපයක්‌ ඇත්නම්, මෙවන් ස්‌ත්‍රීන් දැහැමි ජීවිතයක්‌ ගත කරයි. මොවුන් බොහෝ කරුණාවන්ත, නිහතමානී, ආගමානුකූලව ජීවත් වන, චාම් ගති ඇති අය වේ.
  2. විකෘති දණහිස්‌ පිහිටියේ නම්,

මෙවන් ස්‌ත්‍රීන් ඉතා අවාසනාවන්තය, ජීවිතය, පුරාම දුක රැඳී පවතී. මොවුන් අධි උත්සාහවන්තය නමුත් උත්සාහයෙන් ලබන දෙයක්‌ද නැත. දිළිඳුව ජීවත් වේ.

  1. දෙදණ එක සමානව පිහිටා ඇත්නම්, මොවුන් ඉතා වාසනාවන්තය, සිතන දේ සිතන පරිදිම සිදුවේ. මෙවන් ස්‌ත්‍රීන් ඥානවන්තය, නිහතමානීය, චාම් නිරහංකාර ජීවිතයක්‌ ගත කරයි.
  2. නහර ඉලිප්පී දණහිස කෘශ වූයේ නම්,

විවාහ ජීවිතය අසාර්ථක වන පිහිටීමකි. මෙවන් ස්‌ත්‍රීන් සැමියාගෙන් හෝ තම දරුවන්ගෙන් කිසිදු ආදරයක්‌ නොලබයි. බලාපොරොත්තු කඩ වී ජීවිතය බොහෝ පසුබෑම්වලට ගොදුරුවේ. තවද සමාජයෙන්ද නිතර දොස්‌ ඇසීමට සිදුවන ස්‌ත්‍රීයකි. ජීවිතයේ බලන බලන අත ප්‍රශ්න, කරදරවලින් පිරී මෙම ස්‌ත්‍රියගේ මානසික තත්ත්වයද කල්යත්ම වෙනස්‌ වී රෝගී වේ.

  1. එකිනෙකට වෙනස්‌ දණහිස්‌ ඇත්නම්,

මෙවන් ස්‌ත්‍රීන් නිතර තම අදහස්‌ වෙනස්‌ කරයි. තම ආත්ම ගෞරවය ගැන ද නොසිතයි. ආත්මාර්ථකාමීය. මොවුන්ගේද විවාහය අසාර්ථකය, මොවුන් යමක්‌ ලබා ගැනීමට පමණක්‌ යමක්‌ කරයි. නමුත් පිනට හෝ යුතුකමක්‌ වශයෙන් කිසිවක්‌ නොකරයි.

  1. දෙදණ ඇවිදින විට දෙපසට චලනය වේ නම්,

මෙවන් ස්‌ත්‍රීන් කාමාධිකය, විනෝදයෙන් කාලය ගත කරයි. බහු පුරුෂ සේවනයේ යෙදේ. මායම් භාවිතා කර පිරිමින් මුලාකර ඔවුන් සතු සියලු දේ ඩැහැගනී.

  1. දෙදණ අධිකව මසින් පිරී බර වී ඇත්නම්

මෙවන් ස්‌ත්‍රීන්ගේ විවාහ ජිවිතය වාසනාවන්ත එකක්‌ වේ. විවාහයට දිළිඳු සැමියෙක්‌ ලැබුවද ඉතා ඉක්‌මනින් පොහොසත් වේ. සැප සම්පත් භුක්‌ති විඳිමින් සැපසේ ජීවත් වේ.

We found this article from Divaina on 2014/02/09.