ස්‌ත්‍රී නලල් තලය කියන රහස්‌

876
නලල් තලය
නලල් තලය

නලල් තලයේ හැඩය, ප්‍රමාණය අනුව පුද්ගලයකුගේ බුද්ධි මහිමය කියාපානවා මෙන්ම ඔහු හෝ ඇය තුළ තිබෙන සැඟවුණු ගති ගුණ ද කියා පායි. ස්‌ත්‍රී නලල් තලය බොහෝ වර්ණනාවට ලක්‌වන අංගයකි. නලල් තලය වර්ණනා කර ලියූ ගී පද, කවි, හරබර වදන් බොහෝ ය. නමුත් ස්‌ත්‍රී නලලෙන් ශුභ ඵල පමණක්‌ දෘෂ්‍යමාන නොවන බව ද වටහා ගත යුතුයි. ස්‌ත්‍රී නලලෙන් කියෑවෙන අසුභ ද බොහෝ ය. ස්‌ත්‍රී නලලෙන් කියෑවෙන සුබ අසුබ පිහිටීම් පහත පරිදි වේ.

ඉදිරියට නෙරා ආ නලල් තලයන් පිහිටි ස්‌ත්‍රිය

ඉතා බුද්ධිමත් ය. භාග්‍යවන්තය, උසස්‌ නිලතල, නම්බුනාම හිමිවන ස්‌ත්‍රියකි. සිටිනා තත්ත්වයෙන් නොසිතන තරම් ඉහළට එසවෙන අයෙකි. සමාජයේ ගෞරවය ද නොඅඩුව ලබයි.

ත්‍රිකෝණාකාර නලල් තලයක්‌ හිමි ස්‌ත්‍රිය

ලද දෙයින් කිසි විට සෑහීමකට පත් නොවේ. ඉතා ආත්මාර්ථකාමීය. නිතර පරුෂ වචන කියා නිවස තුළද, පිටත ද ආරවුල් ඇති කර ගනී. සමාජයෙන් කොන්වන, අවමානයට ලක්‌වන අයෙකි.

නලලේ නහර ඉලිප්පී ඇති ස්‌ත්‍රිය

ඉතා දුක්‌ විඳින කාන්තාවකි. නිතර දුකෙන් පසු වේ. යුග දිවිය බොහෝ විඳවිලි සහිත වේ. සැමියාගේ ප්‍රහාරයට ලක්‌වන අයෙකි. තම සැමියාගේ ආදර ගෞරවය කිසි විට හිමි නොවේ.

නලල් තලය

නලල් තලය මත ඝන රෝම පිහිටීම

මෙවන් ස්‌ත්‍රීන් කුඩා කාලයේදීම චරිතය නරක්‌ කර ගනී. අසාර්ථක විවාහ ජීවිතයක්‌ හිමි වේ. රාගාධිකය. අනියම් සම්බන්ධකම් පවත්වයි. නිතර බොරු කියන අය වේ.

ඉහළට නෙරා ආ වටකුරු නලල පිහිටි ස්‌ත්‍රිය

ඉගෙනීමට දක්‍ෂය, කරුණාවන්තය. උසස්‌ වූ සිතුවිලි ඇත. මෙවන් ස්‌ත්‍රීන්ට වාසනාවන්ත විවාහ ජීවිතයක්‌ හිමිය. දරුවන්ට හා සැමියාට බොහෝ ආදරය කරයි. පෙරළා ඔවුන්ගේ ද ආදරය නොඅඩුව ලැබේ. සමාජය තුළ කීර්තිමත් චරිතයක්‌ හොබවන අයෙකි.

නිල්වන් නහර සහිත නලලක්‌ හිමි ස්‌ත්‍රිය

අවාසනාවන්ත අයෙකි. සැමියාට හා දරුවන්ට ආදරය කළ ද ඔවුන් ආදරය නොකරයි. දුර්වල සෞඛ්‍යයක්‌ හිමි ස්‌ත්‍රියකි. බලාපොරොත්තු බිඳ වැටී නිතර දුකින් සිටින ස්‌ත්‍රියකි.

පලල් නලල හිමි ස්‌ත්‍රිය

අයුක්‌තියට අසාධාරණයට එරෙහිව නිතර කථා කරයි. බොහෝ නිහතමානී කාන්තාවකි. සමාජයේ කැපී පෙනෙනා චරිත වේ.

නලල් තලය

මෘදු රෝම නලල් තලයේ පිහිටියේ නම්

වාසනාවන්ත ජීවිතයක්‌ ගත කරයි. අඩු වයසින් විවාහ වේ. යුග දිවිය ඉතා සාර්ථකය. අනුන්ගේ ගෞරවයට පාත්‍ර වේ. මැයගේ ජීවිතය යස ඉසුරුවලින් පිරි එකකි.

අඩසඳ නලල ඇති ස්‌ත්‍රිය

බොහෝ වාසනාවන්තය. සැප සම්පත් රිසි සේ භුක්‌ති විඳීමට ලැබේ. විවාහ ජීවිතය ද සාර්ථක වේ.

නලලෙහි සුලි සහිත ස්‌ත්‍රිය

බොහෝ විට දරුවන් නොමැති පිහිටීමකි. විවාහය දෙදරා නිතර දුකින් පසු වේ.ඉතා හිතුවක්‌කාර ස්‌ත්‍රියකි.

We found this article from Divaina on 2014/01/19.