ස්‌ත්‍රී නිකට පිහිටන ආකාරයන් පවසන රහස්‌

908
නිකට
නිකට

නිකට යනු ස්‌ත්‍රියකගේ මුහුණේ කැපී පෙනෙන අංගයකි. කාන්තාවකට නිකටෙන් හිමිවන්නේ අලංකාරයකි. රූසපුව වඩවන නිකට පිහිටන ආකාරය, හැඬය අනුව ස්‌ත්‍රියක්‌ වාසනාවන්ත වනවාද, අවාසනාවන්ත වනවාද, සාමාන්‍ය ජීවිතයක්‌ ගතකරනවාද යන්න දේහලක්‌ෂණ විද්‍යාව දත් අයකුට පහසුවෙන් පැවසිය හැක. ස්‌ත්‍රී නිකටේ සුභ අසුභ දේහලක්‌ෂණ විද්‍යාවේ සඳහන් කර ඇත්තේ මෙසේය.

  • ස්‌ත්‍රියකට පලල් වූ නිකටක්‌ පිහිටි විට,

ඇය කොතරම් වස්‌තුව තිබුණත් සෑහීමට පත් නොවේ. තවද තම සැමියා රවටන, තම සැමියාට බොරු කරුණාවන්තකමක්‌ දක්‌වන අයෙකි. මෙවන් ස්‌ත්‍රීන් රාගාධික වන අතර රහසිගත වැඩවලටද දක්‌ෂය.

  • නිකට බෙදී හෝ කඩතොලු වූ ස්‌ත්‍රිය

කාමාදිතය, ලැබුණු තැන තම රාගාධිත සිත සන්සිදවා ගනී. තවද මෙවන් ස්‌ත්‍රීන් කිසිදින විශ්වාස කළ නොහැක. කියන දේ කරන කරන දේ කියන යතාවාදී තතාකාරිගුණය මොවුන් තුළ නැත. නිතර වචනය වෙනස්‌ කරයි.

නිකට
  • උල් වූ නිකටක්‌ සහිත ස්‌ත්‍රිය

ඉතා ආත්මාර්ථකාමීය, කිසිවකුට ඇහුම්කන් නොදේ. තම මතය වැරදි වුවද ක්‍රියාවේ නගයි. තම අධ්‍යාපනය පතුරවයි. සැප සම්පත්වලට අසීමිතව ආශා කරයි. අනුන්ව වසඟයට ගනී. තවද මෙවන් ස්‌ත්‍රීන් අනුන්ගෙන් උදව්, උපකාර ලබා ගනී. නමුත් පෙරළා උදව් නොකරයි. අහංකාරයි. උඩඟුය. ඉක්‌මන් කෝපයට පත්වේ. හිතුවක්‌කාරය. මොවුන්ගේ කැපී පෙනෙනම ලක්‍ෂණය වනුයේ ද්විත්ව චරිත රඟපැමයි.

  • දික්‌ වූ නිකටක්‌ සහිත ස්‌ත්‍රිය

මවාගත් සිහින ලෝකවල ජීවත් වේ. ඊර්ෂ්‍යා කුහක ගතිවලින් පිරුණු අයෙකි. මොවුන්ට අගහිඟකම් මැද ගෙවන ජීවිතයක්‌ හිමිවේ. ජීවිතය ගැන විශාල බලාපොරොත්තු ප්‍රමාණයක්‌ පොදි බැඳගත් ස්‌ත්‍රියකි. තවද මොවුන් තුල කරුණාවන්තකම හා අනුන්ට උදව් කරන ස්‌වභාවය අඩුය.

  • නිකට පැතැලිව පිහිටි ස්‌ත්‍රිය

ආත්ම ශක්‌තිය ඉතා අඩුය. අලසය, නිතර අධෛර්යය වේ. මෙවන් ස්‌ත්‍රීන් සැප සම්පත් ඉබේ ලැබෙන තුරු බලා සිටියි.

  • මස්‌ රහිත නිකටක්‌ පිහිටි ස්‌ත්‍රිය

ජීවිතය ගොඩනැගීමට අපමණ දුක්‌ විඳියි. තම සැමියාගෙන්ද ආදරය, රැකවරණය නොලබයි. මෙවන් ස්‌ත්‍රීන් මැසිවිලි, ආඩපාලි, තියුණු වචන නිතර කියයි. තම සැමියාටද වධක භාර්යාවක්‌ වේ. එමනිසා නිතර සැමියාගේ ප්‍රහාරයට ලක්‌වේ. දරුවන්ටද ආදරය නොපෙන්වයි. නිවස තුළ තත්ත්වය මෙසේ වුවද, නිවසින් පිටත සැමියා හා දරුවන් සමඟ ඉතා ආදරයෙන් සතුටින් ඉන්නා බව පෙන්වයි.

  • නිකටේ ද්විභින්න භාවය ඇති ස්‌ත්‍රිය

මෙවන් ස්‌ත්‍රීන් බලාපොරොත්තු පොදි බැඳගත් ස්‌ත්‍රීන් වේ. හැඟීම්බරය. සිතින් විඳවයි. මොවුන්ට කරන වැඩවලින් හොඳ නොව නරක සිදුවේ. මොවුන්ගේ ජීවිතය අවුල් වන්නේ දකින, දකින දේ, කිරීමට යැමෙනි.

නිකට
  • නිකට කෙටි වී රවුම් වූ ස්‌ත්‍රිය

අභ්‍යන්තර ගෞරවයට හා ප්‍රසංසාවට භාජනය වේ. ජනනයේ සියලු සැප සම්පත් ලැබේ. මෙවන් ස්‌ත්‍රීන්ගේ සැමියා බොහෝ ගුණගරුක කෙනෙකි. සැමියාගේ ආදරය, රැකවරණය නොඅඩුව ලැබේ. දරුවන්ගේද ආදරය නොඅඩුව ලැබේ. මෙවන් ස්‌ත්‍රීන්ගේ සැමියා බොහෝ ගුණගරුක කෙනෙකි. දරුවන්ගේද ආදරය නොඅඩුව ලැබේ. මෙවන් ස්‌ත්‍රීන් අසරණයන්ට පමණ ඉක්‌මවා උදව් කරයි. මොවුන් ඉතා කරුණාවන්තය, ගුණධර්ම රකියි. සැවොම ප්‍රිය කරයි.

  • නිකටේ රැවුල් ඇති ස්‌ත්‍රිය

මෙවන් ස්‌ත්‍රීන්ට යහපත් අනාගතයක්‌ නැත. නිතර පාප ක්‍රියාවන්වල යෙදේ. මොවුන් තුළ කරුණාවන්ත බව ඇතත් එය ඉතා අඩුය.

  • නිකට හතරැස්‌ හැඩයක්‌ ගත් ස්‌ත්‍රිය

බොහෝ කල්පනා ශක්‌තිය ඇති, ඥානවන්ත, දක්‌ෂ කාන්තාවකි. මෙවන් ස්‌ත්‍රීන් සමාජයේ ඉහල යන්නේ ඥානවන්තකම හා දක්‌ෂකම පාවිච්චි කරමිනි.

  • නිකටේ සියුම් ලෝම පිහිටි ස්‌ත්‍රිය

ඉතා රාගාධිතය, මෙවන් ස්‌ත්‍රීන්ගේ විවාහයද අසාර්ථක වේ.

කෙනෙක්‌ අසුරු කිරීමේදී හෝ විවාහ කර ගැනීමේදී ඇය පිළිබඳ යම් අවබෝධයක්‌ මෙයින් ලබාගත හැක. මෙම ලිපිය හොඳින් කියවා මතක තබා ගන්න. එවිට ඔබටත් කරදරවලින් තොර සතුටුදායක දිවියක්‌ හිමිවනවා මෙන්ම, එම ස්‌ත්‍රිය ආශ්‍රයට සුදුසු ද නැද්ද යන වග වටහා ගත හැක.

We found this article from Divaina on 2013/11/03.