සිතුමිණක්‌ වන් බිරිඳක්‌ ඔබටත් ලැබේද!

0
792
බිරිඳක්‌
බිරිඳක්‌

[ratings]

පුරෝගාමී සිංහල ප්‍රබන්ධ රචකයකු සමාජ ශෝධකයකු හා පුවත්පත් කතුවරයකු වූ පියදාස සිරිසේන ශුරීන් විසින් විරචිත චින්තාමාණික්‍ය රත්නය නමැති ග්‍රන්ථයේ කථානායක බෙන්ජමින් මහතා විසින් කථාව අවසානයේදී සොයා ගනු ලබන චින්තාමාණික්‍යය සුනන්දා නමැති සුරූපී ගුණ යහපත් තරුණියයි. ඇය සතුව පවතින දීර්ඝ ලියමන කියවා අවසන් කරන ඔහු එම කාන්තාව විවාහ කර ගැනීම සිතුමිණි රුවනක්‌ හිමිකර ගැනීම හා සමවන බවට තීරණය කරයි. මෙම කෘතිය තුළින් පියදාස සිරිසේන මහතා සිංහල පාඨකයාට දෙන පණිවුඩය යහපත් බිරිඳක්‌ යනු සිතුමිණි රුවනක්‌ බවයි.

එවැනි වාසනාවන්ත බිරිඳක්‌ යමකුට ලැබෙන්නේ පෙර කළ පින් මහිමය නිසා ය. සතර මහාදීපයට අගරජ පදවි ලබන මහ පිනැති සක්‌විති රජකුට මෙවැනි භාර්යා රත්නයක්‌ පහළ වේ. බුදු වන බෝසත් උතුමකුට ද මෙවැනිම පින්වත් භාර්යාරත්නයක්‌ ලැබේ. භාර්යාව රත්නයකට උපමා කර කථා කරන්නේ ඇය සතු මේ මහඟු බලය සිහියේ තබාගෙනය.පුරුෂ රත්නයක්‌ වීමට ද එම ගුණය එසේම පැවතිය යුතු අතර භාර්යාව පුරුෂයකුට රත්නයක්‌ වනවා සේ ම පුරුෂයා භාර්යාවට ද රත්නයක්‌ වේ.

ආදර සබඳතා පවත්වන අවධියේ මැණිකක්‌ මෙන් පෙනෙන පෙම්වතිය විවාහයෙන් පසු ද මැණිකක්‌ බවට පත්වන්නේ කලාතුරකිනි. එසේ වීමට නම් ඇයට හැඩරුව මෙන්ම ගුණ නුවණ ද තිබිය යුතුය. එවැනි බිරිඳක්‌ ලැබෙන්නේ පෙර පිනකටය. එවැනි බිරිඳක්‌ ලැබූ සැමියා නිවුන සැනසුන අයෙකු බවට පත්වේ. ඔහුද ඔහුගේ දරු පවුලද දියුණුවෙන් දියුණුවට පත් වේ. එවැනි පවුල් සමාජයට ද සම්පතකි.

බිරිඳක්‌ ලබන හැම සැමියෙකුටම මේ වාසනාව උදාවන්නේ නැත. බිරිඳකට ද හැම විටම හොඳ සැමියකු ලැබීමේ වාසනාව උරුම නොවේ. බිරිඳ හෝ සැමියා දෙවියකු මිනිසකු හෝ නොමිනිසකු වන්නේ තමාගේ පෙර පව හෝ පිනට අනුරූප වූ ආකාරයටය. තමාට ලැබෙන බිරිඳ හෝ සැමියා නිසා නිවසක්‌ තුළ දෙව්ලොව හෝ අපාය නිර්මාණය විය හැක. ඒ නිසා බිරිඳ හෝ සැමියා තම ජීවිතයට උදාවන දසවන ග්‍රහයා බවට පත්වේ.

මේ නිසා බිරිඳ හෝ සැමියා තෝරා ගැනීම පිළිබඳව ජ්‍යෙdතිෂය පුළුල් වශයෙන් අවධානය යොමු කර තිබේ. භාරතීය ජ්‍යෙdතිෂ ග්‍රන්ථවල මේ සම්බන්ධව බොහෝ කරුණු දක්‌වා ඇත. එම කරුණු ද උපයෝගී කර ගනිමින් හෙළයන් සතු ඉපැරැණි ජ්‍යෙdතිෂ දැනුම හා බුදු දහම ද අනුව යමින් මේ පිළිබඳව ඉතා වැදගත් ජ්‍යෙdතිෂ රීති රැසක්‌ අපේ රටේ බිහි වී තිබේ. එවැනි ඉපැරැණි ජ්‍යෙdතිෂ ග්‍රන්ථයක සඳහන් සත්බාරි විවරණය තුළින් යමකුට දෛවයෙන් උරුම වන බිරිඳ පිළිබඳව දැන් අපි විමසා බලමු.

බුදු දහමට අනුව ලොව සිටින සියලු භාර්යාවන් වර්ග හතකට බෙදා දක්‌වා ඇත. එනම් සාම්බාරි, චෝරබාරි, වධක බාරි, මාතු බාරි, දාසිබාරි,භගිනි බාරි, සකී බාරි යනුවෙනි. මෙයින් සාමි, වධක,චෝර භාර්යාවන්, යමකුගේ පෙර පව නිසා ලැබෙන භයානක භාර්යාවෝය. මාතු, දාසි, භගිනි හා සකී භාර්යාවන් පෙර පිනට පහළවන යහපත් බිරින්දෑවරු වෙති. පෙර කී අයහපත් බිරිඳක්‌ ලබන සැමියා හා ඔහුගේ දරු පවුල විනාශය කරා ගමන් කරන අතර යහපත් බිරිඳක්‌ ලබන සැමියා හා දරු පවුල සැපවත් බවට පත් වේ. හැම සාර්ථක මිනිසකු පසුපසම යහපත් බිරිඳක්‌ සිටි බැවිනි.

වර්තමානයේ බොහෝ විවාහක පවුල් විනාශ වන්නේ යහගුණ සහිත බිරිඳක්‌ හෝ සැමියකු නොලැබීම නිසා ය. විවාහය යනු යමකු දුටු පමණින් කළ යුතු දෙයක්‌ නොවේ. ඒ පිළිබඳව බොහෝ දුර සිතිය යුතු අතර, ඉතා ප්‍රවේශමෙන් කරුණු කාරණා පරීක්‍ෂා කර බලා තීරණයක්‌ ගත යුතුය. මෙහි සඳහන් වන සත්බාරි විවරණය විවාහයක්‌ සිදු කිරීමේදී ඉතා හොඳ මඟ පෙන්වීමක්‌ වනවා ඇත.

යමකු කෙඳුරේ හතට යෙදුණොත් සිංහ රාශිය බලවතී
එහිම හිරු සිටිය හොත් නැතහොත් දුටොත් හිරු හත නිසියුතී
ඔහුට ලැබෙනා බාරිනම් වේ සාමි බාරි දැනගත යුතී
මෙබඳු අය මෙහෙකරුසෙ බිරිඳට වාල් වන බව සැක නැතී

යමකුගේ ජන්ම කේJද්‍රයේ 7 වැන්න සිංහ රාශිය වී එහි රවි සිටීම හෝ දැකීම වුවහොත් ඔහුට ලැබෙන්නේ සාමි බාරියකි. ඔහුට සිදුවන්නේ ජීවිත කාලයටම ඇයගේ ඇනුම් බැනුම් අපහාස විඳිමින් මෙහෙකරුවකු මෙන් ඇයට යටත්ව සිටීමටය. ඔහු සන්තක දේත් උපයන දේත් බලයෙන් උදුරා ගන්නා ඇය ඔහු සිය යටතට පත්කර ගනී. අනාචාරශීලීව වෙසෙන ඇයගෙන් ගැලවුමක්‌ නොලැබ විනාශ වීමට ඔහුට සිදුවේ.

හතට මේෂය නොහොත් වෘශ්චික රාශියක්‌ වී අඟහරු
එහිම සිටියත් තැනක වෙනසිට දුටුවහොත් හත විදියුරු
චෝර බාරිය තමයි ඒ අය ලබන්නේ මේ දියතුරු
නොවනු පසුබට විඳිව් සතුටින් පෙර කරපු පව් බියකරු

යමකුගේ කේන්ද්‍රයේ 7 වැන්න මේෂ හෝ වෘශ්චික රාශියක්‌ වී එහි කුජ සිටීම හෝ දැකීම සිදුවුවහොත් ඔහුට ලැබෙන්නේ චෝර බාරියකි. පෙර පවින් මෙවැනි බිරිඳක්‌ ලදහොත් ඔහුට බොහෝ දුක්‌ විඳීමට සිදුවේ. ඇය සොර සැමියන් හා එක්‌ව සැමියාගේ ධනය ගෞරවය හා ජීවිතයත් විනාශ කර දමයි. දරුවන් විනාශයට ඇද හෙළයි. අන්තිමේදී තමාද විනාශ වේ.

මකර කුම්භය දෙකෙන් එකකට සත්වැන්න පත්වුණ කලා
නපුර ශනි දෙවි සිටියහොත් යළි දුටුවහොත් සත නොව මුලා
ඔහුට ලැබෙනා බාරි නම් වේ වධක බාරිය එකහෙලා
දිවි තිබෙන තුරු විඳින්නට වේ ලොවැති හැම වද ගැන බලා

යමකුගේ කේන්ද්‍රයේ හත්වැන්න මකර හෝ කුම්භය වී එහි ශනි සිටීම හෝ දැකීම වුනි නම් ඔහුට ලැබෙන්නේ වධක බාරියකි. ඉතා නපුරු ගති හා අනාචාරශීලී ගති ද ඇති ඇය නිසා සැමියා මෙලොව ඇති හැම දුක්‌ කරදරයක්‌ම උරුම කරගන්නවා ඇත. ඔහු මෙලොවදීම අපායට වැටේ.

ලොව සිටින හැම අයහපත් බිරිඳක්‌ ම මේ ඉහත දැක්‌වූ වර්ග තුනෙන් එකකට සෘජුව හෝ වක්‍රව අයත් වේ. එකිනෙකාගේ කේන්ද්‍රවල ඇති අනෙකුත් ග්‍රහ පිහිටීම් නිසා ඇතිවන යහපත් බලපෑම්වලින් ලැබෙන බිරිඳගේ නරක ගති අඩුවිය හැක. එහෙත් ඔවුන්ගෙන් සිදුවන්නේ අයහපතක්‌මය. විවාහ ජීවිතය අවාසනාවන්ත එකක්‌ බවට පත්වේ.

යහපත් භාර්යාවන් සිවුදෙනෙකු සිටිති. ඔවුන් මාතු බාරි. බගිනි බාරි, දාසි බාරි, සකී බාරි යන නම්වලින් හැඳින්වේ. මෙවැනි බිරිඳක්‌ යමකුට ලැබෙන්නේ තමාගේ පින් මහිමය නිසාය.

කටක රාශිය වුණොත් හත පුර සඳුත් සිටියොත් ඒ හතේ
එසේ නැතහොත් දුටොත් පුරසඳු එබඳු අයහට මෙ දියතේ
ලැබේ බිරිඳක්‌ මාතු බාරිය නමින් හිත ඇති දිවි යුතේ
නීච සඳු නම් දිළිඳු හෝ වැන්දඹු ද හෝ වයසැති කතේ

යමකුගේ කේන්ද්‍රයේ හත්වැන්න කටකය වී එහි පුර සඳු සිටීම හෝ දැකීම වුවහොත් ඔහුට ලැබෙන බිරිඳ මාතුබාරි නම් වේ. මවක්‌ මෙහි ඔහු රැකබලා ගන්නා ඇය නිසා ඔහුට යහපතක්‌ම සිදුවේ. මෙහි සඳු නීච හෝ සතුරු වුවහොත් දිළිඳු, වැඩිමහලු හෝ වැන්දඹු කතක්‌ විය හැක.

තුලා වෘෂභ දෙකෙන් හත වී එකක්‌ යමකුගෙ සිටිතැනේ
සිකුරු එහි සිට නොහොත් දුටුවොත් එබඳු අයහට නිසැකිනේ
ලැබේ බිරිඳක්‌ දාසි බාරිය නමින් සපිරුන සොමිගුනේ
ඔහුට දිව සැප ලැබුණ බව කීවාට වැඩියක්‌ නැත අනේ

තුලා, වෘෂභ රාශි දෙකෙන් එකක්‌ හත වී සිකුරු එහි සිටීම හෝ දැකීම වුවහොත් ඔහුට ලැබෙන්නේ දාසි බාරියකි. සැමියාගේ සියලු කටයුතු හොඳින් ඉටු කරන ඇය ඔහුට දිව සැප ලබාදෙන බව කියෑවේ.

ධනු මීන රැස්‌ දෙකෙන් හත වී එකක්‌ සිටියොත් යමකුගේ
ගුරුද එහි සිට නොහොත් දුටුවොත් උසස්‌ බැල්මෙන් වන අගේ
සකී බිරිඳය නමැති පින්වත් කතක්‌ ලැබිලා මනරගේ
දිගා කල් පරපුරය පවතී පතල වී යස දස දිගේ

ධනු මීන රැසක්‌ හත වී ගුරු එහි සිටීම හෝ දැකීව වුවහොත් ඔහුට උතුම් ගනයේ සකී නම් වූ බිරිඳක්‌ ලැබෙන අතර හැම සැපක්‌ම ලැබී දිගු කල් පවතින පරපුරක්‌ බිහි කිරීමට වාසනාව උදාවේ.

මිථුන කන්‍යා දෙකෙන් එකකට යෙදුනි නම් හත පියකරු
සිටියහොත් බුධ දුටොත් යහතින් එබඳු අයහට දියතුරු
ලැබෙයි පින්වත් ගුණැති බිරිඳක්‌ බගිනි බාරිය නම් ගරු
පොරන පින්කළ කෙනෙකි ඔහුගේ දිලේ යසිසුරු දිවි තුරු

මිථුන කන්‍යා දෙකෙන් එකක්‌ හත්වැන්න වී එහි බුධ සිටීම හෝ දැකීම වුවහොත් ඔහුට බගිනි බාරි නම් වූ පින්වත් බිරිඳක්‌ ලැබෙන අතර ඔහුගේ ජීවිතය දිනෙන් දිනම දියුණුවට පත්වේ. සැපයෙන් යසසින් වැඩේ.

ලියන්ගේ කිඳුරෙහිද මෙලෙසට සිටිය කල පල ලැබෙන්නේ
පුමන්හට කී ලෙසටමයි ඒ සැකක්‌ මදකුදු නොගන්නේ
තමන්ගේ පෙර කුසල් අකුසල් දෙකටමයි මේ යෙදෙන්නේ
එයින් අනිකක්‌ කරනු බැරි මහ බඹුටවත් කිසි ලෙසින්නේ

ඉහතින් දැක්‌වූ ආකාරයටම ස්‌ත්‍රී කේන්ද්‍රවල ග්‍රහයන් පිහිටියහොත් ඔවුන්ට ද පිළිවෙළින් ලැබෙන සැමියන් මේ වර්ග හතටම අයත් වේ. සාමි, චෝර, වධක යන අයහපත් සැමියන් බිරිඳකට ලැබුණහොත් ඇය මෙලොවදීම අපා දුකට පත් වේ. දාසි, මාතු, භගිනි, සකී යන යහපත් සැමියකු බිරිඳකට ලැබුණොත් ඇයගේ ජීවිතය වාසනාවන්ත සැපවත් එකක්‌ බවට පත් වේ. තමාට සැමියකු හෝ බිරිඳක ලැබෙන්නේ පෙර කළ පින පව අනුවය. නැත්නම් බඹා කෙටූ හැටියටය.

එසේ වුවද ජ්‍යෙdතිෂය ගොඩනගා තිබෙන්නේ අනාගතයේ විය හැකි අතුරු ආන්ත්‍රා කල් ඇතිව දැනගෙන ඒවා උපක්‍රමයෙන් වළක්‌වා ගැනීමට බැවින් යමකුගේ කේන්ද්‍රයට අනුව හිමිවිය හැකි බිරිඳ පෙර කී අයහපත් කාන්තාවක්‌ වන්නේ නම් ප්‍රවේසම් වී එය වළක්‌වා ගත යුතුය. කාන්තාවක්‌ විසින් ද කළ යුත්තේ එයයි. එසේ කිරීමෙන් යුග දිවිය සතුට සැනසුම පිරුණ එකක්‌ බවට පත්කර ගත හැකි වේ.

We found this article from Divaina
Also Sinhala to English Google word to word translation can be found here